Նաիրա Զոհրաբյանի անձը թիրախավորվել է արտաքին քաղաքականության խայտառակ անհաջողությունը շարունակելու համար. Լարիսա Ալավերդյան

«Ես համոզված եմ, որ Նաիրա Զոհրաբյանին թիրախավորելը ոչ միայն ունի ներքին քաղաքական խնդիր լուծելու հարց, այլև ծառայություն մատուցել Ադրբեջանին, որով, փաստորեն, իշխանությունները տալիս են հնարավորություն, որ ադրբեջանական կողմը ոչ միայն իր սեփական լրատվականներով տարածի, այլև հենց այդ նույնը հարցը շինծու, արհեստական բերեն և դարձնեն Ադրբեջանի ձեռքին զենք և ասեն, որ «ահա, տեսեք՝ ով է խոսում Ադրբեջանի քաղաքականության մասին՝ լինի դա ձկնկիթային և այլն, մեկը, որն ինքն իր սեփական նախաձեռնությամբ կոռուպցիայով է զբաղվում հենց, այսպես ասած, ապացուցված ձևով:

 

Պետք է Ձեզ ասեմ, որ Նաիրան ամենաակտիվ (թող ոչ մեկը չնեղանա), ամենաակտիվ պատգամավորն է Եվրոպայի խորհրդի վեհաժողովում: Եվ դրա համար պետք չեն ավելորդ ապացույցներ: Որպես կանոն՝ Նաիրա Զոհրաբյանն էր ներկայացնում և բացահայտում Ադրբեջանի կողմից անընդմեջ տարածվող ոչ միայն՝ ապատեղեկատվությունը, այլև՝ հայատյացությունը»,- ասաց Լարիսա Ալավերդյանը: