Լուկաշենկոն հայտարարեց, որ չի ցանկանում գժտվել ոչ Ադրբեջանի, ոչ Հայաստանի հետ
Բելառուսի նախագահ Ալեկսանդր Լուկաշենկոն հայտարարեց, որ Մինսկը մտադիր չէ գժտվել ոչ Ադրբեջանի, ոչ Հայաստանի հետ, այդ թվում բլոգեր Լապշինի արտահանձնման խնդրի հետ կապված:
«Մենք (Բելառուսն ու Հայաստանը) մոտ ժողովուրդներ ենք եղել, այդպիսին էլ կմնանք: Ադրբեջանին Հայաստանը տարբեր կերպ է վերաբերվում, բայց նա էլ է մեզ մոտ ժողովուրդ... Ինչու՞ մենք պետք է գժտվենք կամ վիճենք Ադրբեջանի կամ Հայաստանի հետ: Գուցե մի օր մենք պետք գանք Ադրբեջանին ու Հայաստանին... Դրա համար իմ ինչին է պետք խիթս խոթել այնտեղ, ուր չեն խնդրում...», - հայտարարեց Լուկաշենկոն երեքշաբթի Մինսկում Հայաստանի դեսպան Արմեն Խաչատրյանի հետ հանդիպման ժամանակ: Լուկաշենկոյի խոսքերը մեջբերում է Բելառուսի նախագահի մամուլի ծառայությունը:
Միևնույն ժամանակ Բելառուսի նախագահը խոսեց բլոգեր Ալեքսանդր Լապշինին Ադրբեջանին արտահանձնելու փաստի հետ կապված, ինչի պատճառով Հայաստանում քննադատություն հնչեցվեց Մինսկի հասցեին:
«Հիշում եք. Լապշին: Լսեք, Հայաստանն այստեղ ի՞նչ կապ ունի: Հայաստանն ինձ Լապշինի պահով երբեք ոչինչ չի ասել: Հետախուզման մեջ է հայտարարվել մեկ երկրի՝ Ադրբեջանի կողմից: Երբ նրան այստեղ բերման ենթարկեցին, մտածեցի՝ ինչու՞ նրան այստեղ բերման ենթարկեցին: Թող ուղևորվեր ուր ուզում է: Բայց բերման ենթարկեցին: Ինտերպոլը գիտեր: Մենք հայտնեցինք ինչպես հարկն է, որպես օրինապահներ: Ու՞մ մենք պետք է նրան փոխանցեինք: Փոխանցել նրան՝ ով նրան հետախուզման մեջ է հայտարարել», - ասաց Լուկաշենկոն: Փոխանցում է «ՌԻԱ Նովոստի»-ն:
Zham.am
Հետևեք մեզ Facebook-ում