Միանշանակ արձանագրված է Կառավարության ամբողջ կազմի հրաժարականը. Միքայել Մելքումյան. Տեսանյութ

Վստահ պետք է նշենք, որ ձախողված են բոլոր ոլորտներում բոլոր հակաճգնաժամային միջոցառումները, այլևս անհնար է որ այս կառավարությունը կարողանա որևէ բանի անի, ուստի միանշանակ արձանագրված է՝ ամբողջ կառավարության կազմի հրաժարական: Այս մասինց «Պոլիտէկոնոմիա» հետազոտական ինստիտուտի նախաձեռնած «Կորոնավիրուսային ճգնաժամը, դրա հումանիտար և սոցիալ-տնտեսական հետևանքները․ գնահատականներ և լուծումներ» խորագրով քննարկմանն ասաց «Բարգավաճ Հայաստան» խմբակցության պատգամավոր Միքայել Մելքումյանը:

Նա հիշեցրեց, որ 2019 թվականի համար ասվում էր, որ տնտեսական հեղափոխություն է եղել այս երկրում, սակայն, ըստ նրա, կյանքը ցույց տվեց որևէ դիմադրողականություն մեր երկրի տնտեսությունը չունեցավ դրա արդյունքում, եթե լիներ հեղափոխություն, դրա արդյունքում մի քանի ամիս ռեսուրսային բազա կլիներ, իսկ դա չկար: Ապա նա թվերով փաստեր ներկայացրեց:

«2019 թվականին օտարերկրյա ուղղակի ներդրումները 2 անգամ առնվազն կրճատվել են 2018 թվականի համեմատ: Այդ տիպի տնտեսական հեղափոխություն ես աշխարհում չեմ տեսել, որ մի տեղ չկա, որ լինի հեղափոխություն ու առնվազն երկու անգամ ներդրումներ չգան: Մարտի 14-ից մինչև մայիսի 14-ը այդ փակ ժամանակվա ընթացքում մենք կորցրել ենք օրեկան առնվազն 40 մլն դոլար, կան տարբեր հաշվարկներ, խոսքը գնում է ՀՆԱ-ի կորստի մասին, իսկ կառավարությունը օրական ներարակել է տնտեսություն՝ սոցիալական ծրագրերի մեջ, ընդամենը 3.8 մլն դոլար: Այսինքն, ստացվում է, որ մենք օրական 36 մլն դոլարի կորուստ ունենք, իսկ, թե դա որտեղից պետք է լրացնենք, հարցական է»,- ասաց նա:

Նա նշեց՝ եթե այս պրոցեսը շարունակվում է անընդհատ, Գագիկ Ծառւոկյանն ասում է՝ այս ոլորտում, այն ոլորտում մեր աչքի առաջ ձախողումնր եք անում, դրան հետևում է ոչ թե բանավեճ, բովանդակային քննարկում, այլ հաշվեհարդարի լեզվով ոչ իրավական, վարչական, քաղաքական բիրտ ճնշում: «Այսինքն ի՞նչ անենք, նստենք, նայենք՝ ինչպե՞ս է երկիրը փլուզվում: Եթե այսպես շարունակվի, մենք օգոստոս ամսին կունենանք իսպառ կոլափսային վիճակ»,- հայտարարեց նա:

Մելքումյանի խոսքով՝ կարևոր է գտնել գումար, ներարկել տնտեսություն և հանրային կյանք, որը, ըստ էության, գոյություն չունի, չնայած ասվում էր, որ փողի խնդիր Կառավարությունը չունի:

«Մենք ասել ենք՝ սոցիալական ծրագրերն ամբողջությամբ չեն սպասարկում բնակչության պահանջները: Մոտ 180 հազարի օրավարձով աշխատողներ կան, ասացին՝ ոնց նույնականցնենք նրանց, մարդիկ, եթե օրավարձով են աշխատում, նրանց պետք էր ուղղակի աջակցություն տրվեր՝ նվազագույն աշխատավարձի չափով: Այս շարքը կարող ենք հավերժ թվարկել»,- ընդգծեց նա:

«Կյանքը ցույց տվեց, որ շատ դանդաղ է Կառավարությունը, չի կարողանում: Այն ֆորմատը, որ ընդունել են՝ վարչապետը հավաքում է ինչ-որ մարդկանց, նախարարների, մասնագետների քննարկում են, ինչքան քննարկում են, վիճակն այդքան վատանում է: Եթե դուք քննարկում եք, բայց վիճակը գնալով վատանում է, մենք պիկին էլ չենք հասել, ուզո՞ւմ ենք շարունակել այդ ձևաչափը, չասե՞նք, որ պետք է փոփոխություն լինի, պետք է փոխվի, նոր մարդիկ գան, նոր լուծումներով»,- հայտարարեց նա:

Ինչ վերաբերում է հավաքին, նա ասաց. «Մեր այս հավաքի իմաստը ո՞րն է: Պետք է ողջամիտ մասնագիտական ներուժի մոբիլիզացիա գնա, պետք չէ խանդով վերաբերվել այն հարցադրումներին, որոնք իշխանության ներկայցուցիչները չեն անում, պետք է գնալ այդ ուղղությամբ, լուծումներ տանք, չգնացինք այդ ուղղությամբ կարճ ժամանակում՝ օգոստոսի վերջ, սեպտեմբերին լրջագույն պրոբլեմներ ենք ունենալու»:

Մանրամասները՝ տեսանյութում:

Zham.am