Սասուն Միքայելյանը նիստին չի մասնակցում առողջական խնդիրների հետ կապված. Լիլիթ Մակունց. Տեսանյութ

«Իմ քայլը» խմբակցությունը երեկվա նիստին որոշում է կայացրել, ուսումնասիրելով Դատախազության կողմից ներկայացված միջնորդությունը, ինչպես նաեւ հետեւելով դատախազի ելույթին, քննարկումներին, հարցուպատասխաններին, պատգամավորներն, իրենց խղճի եւ մտքի համոզմունքով փակ քվեարկության ժամանակ արտահայտել իրենց կարծիքը։ Այս մասին այսօր՝ հունիսի 16-ին, ԱԺ-ում լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով ԲՀԿ առաջնորդ Գագիկ Ծառուկյանին անձեռնմխելիությունից զրկելու հարցին։

«Կարծում եմ, որ ԱԺ նախագահը կխորհրդակցի իրավաբանների եւ պետաիրավական հանձնաժողովի հետ միասին։ Որոշում կկայացնեն, թե արդյոք հնարավո՞ր է երկարացնել նիստը։ Եթե հնարավոր լինի, ապա նմանատիպ որոշում կկայացնենք քվեարկությամբ»,- ասաց նա։

Լրագրողը նշեց, որ մի քանի պատգամավորներ ներկա չեն այսօրվա նիստին, օրինակ՝ «Իմ քայլը» խմբակցության պատգամավոր Սասուն Միքայելյանը, հարցին՝ արդյոք ինքը տեղյա՞կ է, թե ինչու ներկա չեն, Մակունցն ասաց, որ տեղյակ է. «Սասուն Միքայելյանը նախորդ քառօրյային ներկա չի եղել, որովհետեւ առողջական խնդիրներ ունի»։

Հարցին՝ արդյոք խմբակցությունում այդ որոշման վերաբերյալ դեմ կամ կողմ արտահայտվողներ եղե՞լ են, խմբակցության ղեկավարն ասաց. «Խմբակցության նիստի բովանդակային մասին անդրադարձ չեմ կատարի։ Նիստը եղել է փակ»։

Լրագրողի այն հարցին, որ եթե «Իմ քայլից» քվեարկության ժամանակ լինեն դեմ արտահայտվողներ, այդ պատգամավորներին ի՞նչ է սպասվում, Մակունցն ասաց. «Անկախ նրանից, թե քանի խմբակցություն է մասնակցում քվեարկությանը, ԱԺ է բերվել Դատախազության միջնորդություն, որով ԱԺ պատգամավորները պետք է իրենց դիրքորոշումն այն մասին հայտնեն՝ արդյոք ԱԺ-ն համաձա՞յն է, որպեսզի իրավապահ մարմիններին հնարավորություն տրվի լիարժեք քննություն իրականացնել, թե՞ ոչ»։

Մանրամասները՝ NEWS.am-ի տեսանյութում