Նա ուզում է լինել և դատավոր, և օրենսդիր, և իրավապահ, և բանկ, և ԶԼՄ. Նիկոլի քաղաքականությունը կառուցված է թշնամություն սերմանելու և պառակտելու վրա

Ընդ որում կարող է մեկ շաբաթ կամ մեկ ամիս առաջ այդ մարդու հետ հաց կիսած լինել։ Անցյալ տարվա սեպտեմբերին Ծառուկյանի աղջկա հարսանիքին լավ էլ քեֆ էր անում Նիկոլը...

 

Իհարկե, զավեշտալի է նաև այն, որ այս վիճակում էլ ԲՀԿ-ն «մերժիրՍերժին» է խաղացնում ու շարունակում է «նախկիններից» դիստանցիա շեշտել։

 

Բայց հարցն այստեղ ո՛չ ԲՀԿ-ի, ո՛չ որևէ այլ ուժին համակրել-չհամակրելը...

 

Հարցն այն է, որ Նիկոլը, ինչպես և բոլոր գերպոպուլիստները, քայլ առ քայլ ապամոնտաժում է օրենքը, իրավունքը, արդարադատությունը, պետական բոլոր ինստիտուտները, թողնելով իրեն և միայն իրեն՝ որպես իշխանության միակ աղբյուր։

 

Նա ուզում է լինել և դատավոր, և օրենսդիր, և իրավապահ, և բանկ, և ԶԼՄ... Նա անկեղծ համարում է, որ պետությունն ինքն է։ Ժողովուրդն էլ է ինքը։ Ու երբ չի ստացվում հերթական ինստիտուտին տիրանալ, նա առանց մտածելու սկսում է այն քանդել։ Հիշո՞ւմ եք. «Կամ ես կլինեմ Հայաստանի վարչապետ, կամ Հայաստանը վարչապետ չի ունենա»։ Սա է լոգիկան. «Կամ ես, կամ ամեն ինչ քանդելու եմ»։

 

Բայց չէ... 300 տարվա ազգային ազատագրական պայքարը, աղետները, որոնց միջով անցել ենք, միլիոնավոր կորուստները, որոնք տվել ենք պետականության վերածննդի ճանապարհին, այն բանի համար չէին, որ ինչ-որ ժուլիկ այդ ամենը 2–3 տարում փոզմիշ անի։