Հայտնի է Կարեն Ավագյանին գումար նվիրած բարեգործը

Վերջերս կայքերից մեկը գրել էր, որ ՀՀԿ-ի երիտթևի ոչ այնքան երիտասարդ ղեկավար Կարեն Ավագյանը, ով նաև Հայաստանի երիտասարդական հիմնադրամի նախագահն է, իր եկամուտների հայտարարագրում նշել էր, թե նախորդ տարի իրեն 80 հազար դոլար են նվիրել։ Եվ ահա այսօր արդեն պարզ է դարձել, թե ով այդ «անհայտ» բարեգործը։ Կարեն Ավագյանին 80 հազար դոլար նվիրողը իր ենթական է՝ Հայաստանի երիտասարդական հիմնադրամի սոցիալ-տնտեսական և զբաղվածության ծրագրերի համակարգող Խաչիկ Զաքարյանը։

Սակայն Զաքարյանը ՀԵՀ-ի հասարակ աշխատող չէ, ինքը Կարեն Ավագյանը քեռու տղեն ա։ Բա․․․ոնց որ ասում են, հարստանալու լավագույն ճանապարհը՝ ճիշտ ընտանիքում ծնվելն է։ Տվյալ դեպքում՝ լավ հորքուրի տղա ունենալը։ Այսինքն, չեմ հասկանում, հիմա իրանցից ո՞վ է ավելի հարուստ։ Այդ ինչպե՞ս է ստացվում, որ հասարակական կազմակերպության 25-ամյա աշխատակիցն այնքան գումար է վաստակում, որ կարող է իր ղեկավար եղբորը 80 հազար դոլար նվիրել։
Սա կարող է զվարճալի թվալ, բայց իրականում այս դեպքը վկայում է հանցագործության մասին։

«Նվիրատվությունը» Հայաստանում դարձել է անօրինական ճանապարհով ստացած եկամուտն օրինականացնելու ամենապարզունակ ճանապարհ` փող լվանալու միջոց։ ՀԵՀ-ը պետբյուջեից ստանում է ահռելի գումարներ՝ ինչ-որ ծրագրեր իրակացնելու համար։ Այլ հարց է, որ ծրագրերի իրականացումը սահմանափակվում է ուսանողներին Կարեն Ավագյանի ստատուսները լայքել ստիպելով։ Բայց գումարները կանոնավոր կերպով գալիս են։ Եվ այդ գումարները յուրացնելու խնդիր կա։

Եվ պատահական չէ, որ Կարեն Ավագյանն իր եղբորն է նշանակել պատասխանատու պաշտոնի՝ իր ղեկավարած հիմնադրամում։ Այստեղ վստահելի մարդ է պետք։

Համոզված եմ, որ թղթի վրա Խաչիկ Զաքարյանի ղեկավարած բաժինը մեծ քանակությամբ ու ծախսատար ծրագրեր է «իրականացրել»։ Գումարները դուրս են գրել, հետո էլ Զաքարյանը բերել այդ գումարը «նվիրել» է եղբորը։ Դե այսինքն գումարի մի մասը։

Սամվել Ստեփանյանիֆեյսբուքյան էջից