«Արտագնա աշխատողներին պետք է ֆինանսական աջակցություն ցուցաբերել». Էդմոն Մարուքյան. Տեսանյութ
«Լուսավոր Հայաստան» խմբակցության ղեկավար Էդմոն Մարուքյանն այսօր ԱԺ-ի հատուկ նիստի ընթացքում կառավարությանն առաջարկեց ավելի ճիշտ սոցիալական թիրախավորման ծրագիր մշակել:
«Առաջարկում ենք գտնել իրապես գործազուրկ դարձած մարդկանց և աջակցել՝ ցուցաբերել ֆինանսական աջակցություն»,- ասաց Մարուքյանը:
Որպես հաջորդ թիրախային խումբ՝ պատգամավորը առանձնացրեց արտագնա աշխատանքի մեկնողներին, որոնք աշխարհում տիրող՝ կորոնավիրուսով պայմանավորված իրավիճակից ելնելով, չեն կարողացել, մեկնել աշխատանքի և այժմ աշխատանք չունեն:
«Մոտ 70 հազարից ավելի մարդ վերադարձել է հայրենիք, և հիմա և՛ իրենք են անգործ նստած, և՛ իրենց ընտանիքները: Այս մարդկանց խոսք էր տրվել, որ իրենք պետք է ներգրավվեն կապիտալ շինարարության մեջ, բայց մենք հիմա ունենք նաև խնդիր, որ կապիտալ շինարարությունների էն ծավալը, որը պիտի լիներ, չկա, և մենք բավականին թերակատարումներ ունենք: Այսինքն, արտագնա աշխատողներին ներգրավում ենք կապիտալ շինարարության մեջ, ում չենք կարողանում՝ կրկին ուղղակի ֆինանսական աջակցություն ենք ցուցաբերում»,- ասաց Էդմոն Մարուքյանը:
Մանրամասները՝ 24news.am-ի տեսանյութում: