Արտակարգ դրությունը Նիկոլ Փաշինյանին հարկավոր է իր արդեն գոյություն չունեցող իշխանությունը երկարաձգելու համար. Կոնստանտին Տեր-Նակալյան. Տեսանյութ

Ոստիկանության կողմից 4 քաղաքացի և այդ թվում իրավապաշտպան Ռուբեն Մելիքյանը բերման ենթարկվեցին: ԱԺ-ի դիմաց մի խումբ իրավապաշտպաններ ակցիա էին իրականացնում, նրանք պահանջում էին քաղացիներին վերադարձնել խաղաղ ակցիաներ իրականացնելու հնարավորությունը:

Այս պահին Ոստիկանության Արաբկիրի բաժնի դիմաց են հավաքվել Մելիքյանի աջակիցները: «Ադեկվատ» կուսակցության անդամ Կոստանտին Տեր-Նակալյանը նշում է, որ Արտակարգ դրությունն այս խստությամբ պետք է պահվեր փետրվարի վերջին և մարտի սկզբին, երբ ունեինք 5, 10, 1000 հիվանդ: Սակայն, երբ վարակվածների քանակը 15.000-ից անցել է, դա արդեն ուշացած գործողություն է:

«Մենք տեսնում ենք նաև, որ ոչ բոլոր հիվանդանոցներ են ծառայում կորոնավիրուսի դեմ պայքարին, որովհետև առողջապահության նախարար Արսեն Թորոսյանը չի ուզում իր ընկերներից բացի, իր հավատարիմ շրջանակից բացի ուրիշ մարդ պետպատվեր ստանա՝ կորոնավիրուս բուժելու շրջանակում»:

Հարցին, ձեր կարծիքով արտակարգ դրությունը երրորդ անգամ երկարաձգելու կարիք չկա՞ր, Կոնստանտին Տեր- Նակալյանը նշեց, որ պետք է կոմպլեքս միջոցառումներ իրականացնել:

«Արտակարգ դրությունը կարող են չպահպանել, բայց արտակարգ քայլեր ձեռնարկել: Կարելի էր շատ բաներ անել առողջապահության ոլորտում, արտաքին քաղաքականության ոլորտում: Այդ թվում միջազգային տարատեսակ օգնություն ստանալու նպատակով: Արտակարգ դրությունը Նիկոլ Փաշինյանի համար հարկավոր է մի բանի համար՝ մի օր էլ ավել երկարաձգել իր արդեն գոյություն չունեցող իշխանությունը: Նա արդեն պանիկական վախ է ապրում ցանկացած տեսակի հավաքներից և փորձում է լեգիտիմ պատճառներ ունենալ, որպեսզի քաղաքացիներին թույլ չտա բողոքի ցանկացած դրսևորում անել՝ առանց ստանալու իրավական ուժի հակազդեցություն: Դիմակ չկրած մարդուն փողոցի մեջտեղը ասֆալտին ծեփելով են կասեցնում և մենք սա շարունաելու ենք տեսնել այնքան ժամանակ, մինչև քաղաքացին չհասկանա, որ ծաղրածուն իրան սպառելա և փորձում է անցում կատարել վախի մթնոլորտ: Կամ համակարգն է խոտանվելու և մի օր ԱԱԾ- ականները, ոստիկանությունը չի շարունաելու կատարել հոգեկան հիվանդի հրահանգները»,-նշեց նա:

Աղբյուր` Tert.am