Կորոնավիրուսի դեմ պայքարի վրացական մեթոդներից․ 2

Վրաց կառավարության որոշմամբ մինչև հուլիսի 15-ը փակ տարածքներում դիմակ կրելը պարտադիր է:

Իրավաբանական անձինք որոնց տարածքում առանց դիմակի այցելուներ ու աշխատակիցներ կհայտնաբերվեն տուգանվելու են մոտ 76.7 հազար դրամի չափով՝ յուրաքանչյուր խախտման դեպքում:

Մեր պարագային բանկերի մասնաճյուղերն ու խանութները նման խախտման դեպքում պարետի որոշմամբ փակվում են որոշակի ժամանակով: Տնտեսվարողներին պատժելը հնարավոր է, որ ճիշտ է, բայց լավագույն ձևը չէ:

Բանկի տվյալ մասնաճյուղում գործ ունեցողներն ու թաղամասի փակ խանութի հաճախորդ-գնորդները այս մեթոդով ուղղորդվում են մոտակա մասնաճյուղ ու խանութ և կուտակումներ առաջացնում այնտեղ:

Նման կուտակումներ թույլ չտալու նպատակով են վրաց իշխանություններն այսպիսի լուծում ընտրել:

Արա Գալոյանի ֆեյսբուքյան էջից