Իտալիայի վարչապետին կանչել են հարցաքննության. հիմա հասկանալի է, չէ՞, թե ինչու Փաշինյանը փոխեց ուժային կառույցի ղեկավարներին

Փաշինյանի այդ հապճեպ փոփոխությունը ուժային ղեկավարների մասով վերջին շրջանում քննարկման թեմա է դարձել: Հետևելով աշխարհում տեղի ունեցող իրադարձություններին՝ պարզ է դառնում Փաշինյանի շտապողական վիճակը: Ամենաթարմ օրինակը Իտալիան է, որի վարչապետը հենց կորոնավիրուսի դեմ պայքարի գործով հրավիրվել է հարցաքննության:

Իսկ Փաշինյանը լավ է գիտակցում, թե այս ընթացքում ինչ կարգի սխալներ, ապօրինություններ են արել համավարակի դեմ պայքարում, ինչպես նաև իր կառավարման սկզբնական շրջանից մինչ օրս: Նա լավ է հասկանում, որ այս ամենը շատ լուրջ իրավական հետևանքներ է ունենալու և´ իր, և´ իր թայֆի համար: Պատկերը ցույց է տալիս, որ հենց դա էր պատճառը, որ նա մեկ օրում որոշեց և փոխեց ուժայիններին։ Այստեղ նա օգտվեց երկու կարևոր հանգամանքից՝ նախ՝ փրկելով իր կաշին, երկրորդ՝ հերթական ռեպրեսիաները կենթարկի ընդդիմադիրների դեմ, իսկ այս ամենը միայն ու միայն իր իշխանությունը պահպանելու համար է: