Կորոնավարաքի այսօրվա ցուցանիշներով Հայաստանն անցավ Իտալիային ու Շվեդիային

Հայաստանն այսօր նախկին հետկոմունիստական Արևելյան Եվրոպայի և ԱՊՀ երկրների շարքում իր վատ ցուցանիշներով  զիջում է միայն Բելառուսին: Սակայն այս երկիրը, հենց ի սկզբանը հայտարարել էր, որ չի պահպանելու կարանտինի քաղաքականությունը, որպեսզի տնտեսությունն չտուժի: Ստացվում է, որ կարանտինը պահպանած   երկրների շարքում Հայաստանի, փաստացի ոչ պատվավոր առաջին տեղում է:

Սակայն, մենք այս խայտառակ ցուցանիշով հետ ենք մնացել նույնիսկ այնպիսի եվրոպական երկրներից, ինչպիսիք են Գերմանիան, Ավստրիան, Պորտուգալիան և  Մեծ Բրիտանիան: Ավելին, մենք անցանք նույնիսկ այնպիսի  երկրների, ինչպիսիք  են Ֆրանսիան, Նիդերլանդները, Նորվեգիան և Ֆինլյանդիան:

Այս օրերի ընթացքում, մենք հետ թողեցինք նույնիսկ վատ համբավ ունեցող Իտալիային: Եվ վերջապես մեզնից հետ ընկավ նույնիսկ Շվեդիան, ով Բելառուսի պես հրաժարվել էր պահպանել կարանտինային քաղաքականությունը:

Այսօր, մեզնից դեռ առաջ են ԱՄՆ-ն, Իսպանիան, Լյուքսեմբուրգը, Բելգիան, Իսլանդիան և Իռլանդիան:

Սա ցույց է տալիս, թե ինչ խայտառակ հակաճգնաժամային քաղաքականություն էր որդեգրել Փաշինյանի կառավարությունը այս երեք ամսվա ժամանակահատվածում:

Իհարկե Փաշինյանից որևէ լուրջ բան ակնկալելը խելամիտ չեր, բայց և այս աստիճանի խայտառակ ցուցանիշներ, նույնպես դժվար էր պատկերացնել: Այս ամենից հետո, իրեն հարգող երկրի ղեկավարը, ներեղություն կխնդրեր հանրությունից և անաղմուկ կփորձեր հեռանար, որպեսզի համազգային անեծքի հետագայում չարժանանար:

Սա է իրականությունը:

Դավիթ Մկրտչյան