Կառավարությանը հրաժարականի պահանջ ներկայացնելը համարում եմ կառավարությանն ու ժողովրդին թիկունքից հարվածել. Հրաչյա Հակոբյանը՝ Գ. Ծառուկյանի հայտարարության մասին, թե Կառավարությունը պետք է փոխվի
Իրենց իրավունքն է պահանջել հրաժարականներ ստեղծված իրավիճակում, ինչպես շատ ուժերի իրավունքն է դա անել: Դա ես համարում եմ ոչ միայն կառավարությանը, այլև ժողովրդին թիկունքից հարվածել: Այս մասին Tert.am-ի հետ զրույցում ասաց ԱԺ «Իմ քայլը» խմբակցության պատգամավոր Հրաչյա Հակոբյանը՝ անդրադառնալով «Բարգավաճ Հայաստան» խմբակցության ղեկավար Գագիկ Ծառուկյանի հայտարարությանը, թե կառավարության կազմը 100 տոկոսով պետք է փոխվի, և պատգամավոր Արման Աբովյանի պնդմանը, թե պետք է հեռանա նաև վարչապետ Նիկոլ Փաշինյանը:
«Բացի հրաժարակնների պահանջից, նաև տարբեր ուժեր իրականացնում են հակաքարոզչություն՝ դիմակ կրելու, և ընդհանրապես կորոնավիրուսից պաշտպանվելու: Դա ոչ այլ ինչ է, քան այն անձի, հանրության նկատմամբ դավաճանություն և թիկունքից հարված, որը փորձում է չվարակվել կորոնավիրուսով, փորձում է առողջ լինել»,-ասաց պատգամավորը:
Նա նշեց, թե կարող են բոլորով հավաքվել մեկ տեղ, ներկայացնել հրաժարականների պահանջներ, որ հանրությունում բոլորը տեսնեն, դեմքով իմանան, թե ովքեր են այն մարդիկ, որ ստեղծված ծանր իրավիճակում հանրությանն ու իրենց թիկունքից հարվածում են:
Հետևեք մեզ Facebook-ում