Ջիգարխանյանի նախկին կինը խոսել է դերասանի հետ կապ հաստատելու անհնարինության մասին
Դերասան Արմեն Ջիգարխանյանի նախկին կինը՝ դաշնակահարուհի Վիտալինա Ցիմբալյուկ-Ռոմանովսկայան Teleprogramma.pro-ին տված հարցազրույցում խոստովանել է, որ ինքն անհանգստացած է նախկին ամուսնու ինքնազգացողությամբ:
Նա նաև խոսել է նախկին ամուսնու հետ կապ հաստատելու անհնարինության մասին: Դաշնակահարուհին վստահություն է հայտնել, որ հարազատները հեռախոսը վերցրել են նրանից:
Ջիգարխանյանի նախկին կինը հայտարարել է, որ ամուսնացած ժամանակ դերասանն առողջ էր և ակտիվ: Ըստ նրա՝ ամուսնալուծությունից հետո նա իրենից շատ ավելի է տուժել, քանի որ «նրա կյանքը կոտրվել է»:
«Նրան պետք չէր փոխել կենսակերպը, նրան տեղափոխում էին վարձակալված բնակարաններ, փոխում խնամակալներին»,- ասել է նա:
Ցիմբալյուկ-Ռոմանովսկայան հայտարարել է, որ Ջիգարխանյանը երկար ժամանակ դուրս չի եկել տնից և երկու տարի չի հայտնվել թատրոնում:
«Սա նաև հանգեցրել է առողջության վատթարացման»,- ասել է նա:
Ինչպես արդեն հայտնել էինք, Արմեն Ջիգարխանյանը հոսպիտալացվել էր կաթվածով:
Հետևեք մեզ Facebook-ում