Տարօրինակ է, որ քաղաքական մեծամասնությունը բովանդակային քննարկման մեջ չի ուզում մտնել, գնում են շանտաժի լեզվով խոսելու. Միքայել Մելքումյան. Տեսանյութ

Նախորդ լիագումար նիստի ժամանակ ես հայտարարությամբ էի հանդես եկել, որ երբ գործերը վատանում են, վարակի հետ կապված երկու սցենար կա, կամ կառավարության բոլոր անդամները գերազանց կատարում են իրենց ֆունկցիաները և ընդհանուր սցենարն է սխալ, կամ էլ իրենց վարչարարությունը լավ չեն կատարում, երրորոդ տարբերակ չկա. Tert. am-ի հետ զրույցում նշեց ԲՀԿ պատգամավոր Միքայել Մելքումյանը:

Նրա կարծիքով`էլի կլինեն ազատումներ:

Դիտարկմանը, որ ԲՀԿ ղեկավարը նշել է, որ կառավարության 100 տոկոսը պետք է փոխել, որից հետո Գ. Ծառուկյանին թիրախավորեցին հիշեցրեցին, որ խոշոր սեփականատեր չէ, այլ օլիգարխ է, Միքայել Մելքումյանը պատասխանեց. Գագիկ Ծառուկյանի ներկայացրած մտքերը ժամանակին ընթացքում է հասունացել:

«Մարտի սկզբին Ծառուկյանը մեզ ասում էր, հիմա մեղավորներ փնտրելու ժամանակ չէ, կհաղթահարենք այս իրավիճակը, նոր կխոսենք, բայց քանի որ տեսանք, որ վիճակը վերահսկողությունից դուրս է գալիս վիճակը աղետալի է այդ մարդը չէր կարող դիտորդի կարգավիճակով նայել: Պատկերացրեք, մեր ամբոջ ժողովուրդը նստած է մեծ մեքենայի մեջ և պարզվում է ակերը լավ չեն աշխատում, ճանապարհն էլ շատ որակյալ չէ՝ փոսեր կան, և այդ մեքենայի մեջի մարդիկ ասում են հարմար տեղ կանգնացրու արգելակները կարգի գցենք և շարժվենք առաջ: Բայց ասում են՝ ի՞նչ իրավունք ունեք ասեք, որ խնդիր կա, ուրեմն դանակով մեջքից խփում եք: Տարօրինակ է, որ քաղաքական մեծամասնությունը բովանդակային քննարկման մեջ չի ուզում մտնել, որպեսզի պրոբլեմները ի հայտ չգան, իրանք գնում են շանտաժի լեզվով խոսելու»:

Դիտարկմանը, թե վարչապետի խոսնակն ուղիղ արձագանքել էր, որ քրեական գործեր կան: Ի՞նչ քրեական գործեր կարող են լինել, բացի հյուսիս- հարավից և Աբովյանի քաղաքապետի հետ կապված գործից:

«Գ. Ծառուկյանը նշել է, որ օրենքի առաջ բոլորը հավասար են: Հիմա քննարկում ենք այսօրվա վիճակը, շրջանցել բովանդակային քննարկումը նշանակում է չուզենալ պրոբլեմը լուծել: Եթե ներդրումներն երկու անգամ կրճատվում են, աշխատատեղ չի ստեղծվում, ռեալ հեղափոխութուն չկա»:

Tert.am-ը հետաքրքրվեց՝ ԲՀԿ-ն խորհրդարանում ո՞րևէ կոնկրետ գործընթաց կձեռնարկի ղեկավարությանը և վարչապետին անվստահություն հայտնելու համար:

«Ասել ենք, որ մեր քաղաքական թիմը և ղեկավարը հանդիպումներ են ունենում տարբեր քաղսքական ուժերի և հասարակական կառույցների հետ, որոնք ողջամիտ կարծիքներ և առաջարկներ են անում: Բայց այն, ինչ ասել Ծառուկյանը հստակ ասել է, դրանից բխող ինչ քայլեր կանենք, մեր քաղաքական թիմը պետք է քննարկի և գա ճիշտ նպատակակետի»:

Հարցին, արդյո՞ք Արթուր Վանեցյանի հետ հանդիպել է, պատասխանեց՝ ես տեղյակ չեմ: