Դռնփակ դատական նիստում կայացված դատավճիռն ամբողջությամբ հրապարակելը ոչ միայն անօրինական է, այլ նաև անբարոյականություն. փաստաբանը՝ Ծառուկյանի գործի մասին

Համացանցում տարածվել է Գագիկ Ծառուկյանի և այլ անձանց վերաբերյալ 1979թ. ՀՍՍՀ Գերագույն դատարանի կոլեգիայի դատավճիռը: Երբեք չեմ հանդիսացել Ծառուկյանի կողմնակիցը, անձամբ չեմ ճանաչում: Բայց որպես իրավաբան չեմ կարող չասել հետևյալը՝

Դռնփակ դատական նիստում կայացված դատավճիռն ամբողջությամբ հրապարակելը ոչ միայն անօրինական է, այլ նաև անբարոյականություն: 21 տարվա մասնագիտական փորձս ինձ թույլ է տալիս ըստ դատավճռի էության ասել, որ բռնաբարություն կամ սեռական այլ հանցագործություն այդտեղ չկա: Կողոպուտի մասով պետք է եզրակացնել, որ 22-24 տարեկան տղերքը պարզապես վերջում անցել են որոշակի սահմաններ. պետք է նորմալ ճանապարհեին այդ կանանց, բայց կյանքի փորձի պակասի հետևանքով ընկել են պրոբլեմի մեջ: Չլիներ այդ ոսկեղենը, չէր լինի այդ գործը:

 

Եվ վերջում՝ Գագիկ Ծառուկյանի հետ առճակատման ամենածանր պահին էլ, ես վստահ եմ, Սերժ Սարգսյանի մտքով անգամ չէր անցնի նման ստոր քայլի դիմելը:

 

Անբարոյականության մեջ խրված, ուրիշի ընտանիքը և զավակներին չհարգող իշխանության օրերը շատ կարճ են: