Առաջարկել ենք գազի գներն անփոփոխ թողնել բնակչության եւ սոցիալապես անապահով խավի համար. Բաղրամյան. Տեսանյութ

Հայաստանում գազի միջին գինը «Գազպրոմ Արմենիան» առաջարկել է 283 դոլար, դա 5 սպառողական խմբերի գների միջինն է. այսօրվա գործողը 255 դոլար է, իսկ մեր աշխատակազմն առաջարկել է 266,7 դոլար: Այս մասին այսօր՝ հունիսի 8-ին, ԱԺ-ում լրագրողների հետ զրույց նշեց Հանրային ծառայությունները կարգավորող հանձնաժողովի նախագահ Գարեգին Բաղրամյանը:

«Ընդ որում, այդ 266,7 դոլարը առաջարկվում է բաշխել այնպես, որ բնակչության համար եւ սոցիալապես անապահով խմբերի համար գների փոփոխություն չլինի: Գները բարձրանում են ջերմոցների եւ վերամշակող ընկերությունների համար, եւ ամսական 10 հազար խմ-ից ավելի սպառում ունեցողների համար»,-ասաց նա:

Պնդմանը, որ ջերմոցների համար սակագնի բարձրացումը կարող է բերել գյուղատնտեսական մթերքների գների բարձրացման, Գարեգին Բաղրամյանն ասաց. «Բնականաբար, եթե գազի սակագինը բարձրանում է, ապա տնտեսության ինչ-որ ճյուղեր կամ սպառողներ, որոնց համար գինը բարձրանում է, այդ չափով իրենց վրա զգալու են: Այլ  հարց է, թե որքանով այդ բարձրացումը կառավարելի կլինի տնտեսության այդ ճյուղերի համար»:

Մանրամասները՝ NEWS.am-ի տեսանյութում