ՀՀ քաղաքացին պետք է ուզենա և պահանջի, որ պաշտոնյաները ստանան բարձր աշխատավարձ․ Նիկոլ Փաշինյան. Տեսանյութ

Հայաստանում պետք է փոխել պետական պաշտոնյաների վարձատրության նկատմամբ մարդկանց վերաբերմունքը։ Դա պետք է համադրել կոռուպցիոն սխեմաների բացառման հետ։ Այս մասին այսօր Ազգային ժողովի նիստին հեռակա մասնակցելիս ասաց վարչապետ Նիկոլ Փաշինյանը։

«ՀՀ քաղաքացին պետք է ուզենա, պետք է պահանջի, պետք է ցանկանա, պետք է պատրաստակամ լինի, որ պետական պաշտոնյաները ստանան բարձր աշխատավարձ, որովհետև դա արտահայտությունն է պետականություն ունենալու կամքի», – ասաց վարչապետը։

Նա դա բացատրեց շինաշխատանքների օրինակով, որ եթե վարձում են վատ արհեստավոր, ապա ծախսում են ավելի շատ, քան եթե ի սկզբանե վարձեին լավ արհեստավոր և տային մեծ գումար։

Մանրամասները՝ կից տեսանյութում