Կոշտ միջոցների չեն դիմում, քանի որ դա կհարվածի իրենց վարկանիշին

Այն, ինչ կատարվում է Հայաստանում, օրինաչափ է։ Նիկոլ Փաշինյանը խարիզմատիկ տիպի առաջնորդ է (ըստ քաղաքագիտական դասակարգումներից մեկի): Իսկ քանի որ երկու տարվա ընթացքում նա չի կարողացել ապահովել թռիչքաձև տնտեսական աճ (ինչը նույնպես ունի իր օբյեկտիվ և սուբյեկտիվ պատճառները), չի ապահովել կենսամակարդակի զգալի բարելավում, և իր ամբողջ քաղաքական գործունեությունը կառուցել է «նախկինների դեմ պայքարի» գաղափարի վրա, տրամաբանական է, որ նա չի կարող դիմել հանաճարակային ճգնաժամը հաղթահարելու համար անհրաժեշտ կոշտ միջոցների։ Քանի որ նման միջոցները ոչ պոպուլյար են ու մերժելի հասարակության լայն զանգվածների համար, և դրանց կիրառումը կառաջացնի դժգոհության ալիք, որը հարվածելու է իշխանության վարկանիշին։