Անընդունելի են քարոզարշավի ժամանակ Սամվել Բաբայանի և մեր դաշինքի նկատմամբ քաղաքական հետապնդումները. Ս. Օհանյան (Տեսանյութ)

«Օհանյան-Րաֆֆի-Օսկանայան» դաշինքը գլխավորող Պաշտպանության նախկին նախարար Սեյրան Օհանյանն այսօր կայացած ասուլիսի ժամանակ նշեց¸ որ իրենց դաշինքի նկատմամբ եղել են ճնշումներ՝ սկսած Ջրառատի¸ Էջմիածնի դեպքերից մինչև Սամվել Բաբայանի ձերբակալությունը: 

«Սամվել Բաբայանը մեր մարտական ընկերն է¸ մեր գաղափարակիցը¸ մեր գործընկերը¸ տարբեր ժամանակահատվածներում իր հնարավորության սահմաններում աջակցել է մեզ և նրա իրավուքներների պաշտպանության գործում մենք պետք է հաստատակամ լինենք և մինչև վերջ գնանք: Մեզ համար մի քանի բան անհասկանալի է՝ առաջին հերթին լրատվական դաշտում: Ինչպե՞ս է ստացվում¸ որ ԱԱԾ-ի նյութերը հայտնվում են որոշ լրագրողների մոտ և նախօրոք լրատվական դաշտում նրանք տեղեկություններ են տարածում¸ որ կլինեն այսպիսի ձերբակալություններ¸ հետապնդումներ¸ իրավական գործընթացներ և երկրոդը՝ մեզ համար անհասականալի է¸ որ կեղծ տեղեկություններ են տարածվում՝ չիմանալով¸ ինչ գործընթացներ կան¸ ինչպիսի փաստեր կան: Լրատվական դաշտում արդեն ձերբակալումից հետո ես խորհրուրդ կտայի զերծ մնալ այդպիսի տեղեկատվություններ ներկայացնելուց¸ ի վերջո մենք գտնում ենք¸ որ գործընթացը ապրիլի 2-ով չի ավարտվելու¸ մեր կյանքը շարունակվելու է¸ մենք գտնվելու ենք փոխադարձ հարաբերությունների մեջ¸ բոլոր քաղաքական ուժերի հետ»¸-ասաց Օհանյանը:
Նա նաև նշեց¸ որ իրենք աշխատում են փաստաբանի միջոցով և համաձայն փաստաբանի՝ որևէ փաստ գոյություն չունի¸ և Սամվել Բաբայանը մեղադրանքը չի վերցրել իր վրա:

«Կարծում եմ¸ որ որևիցե մի առնչություն ինքը չունի և չեմ կարծում¸ որ կարող էր այդպիսի փոքր խնդիրներով զբաղվել¸ մանավանդ այս ժամանակահատվածում: Եթե կան այդպսի տեղեկություններ¸ թող տան¸ որ մենք էլ իմանանք¸ եթե չկան¸ ապա գոնե այս ժամանակահատվածի համար մենք գտնում ենք¸ որ դրանք քաղաքական հետապնդումներ են և´ Սամվել Բաբայանի նկատմամբ, և´ մեր դաշինքի¸ որն անընդունելի է քարոզարշավի ժամանակ» ¸-ասաց նա:

Նրա խոսքով այս ամենը ևս մեկ անգամ ապացուցում է¸ որ դաշինքը ունի ուժ¸ վերահսկողությունից դուրս է և երկրում իշխանափոխություն կատարելու լուրջ դերակատարություն ունի:

Zham.am