Евреи подались клином на Запад - будет беда

Երբ այսօր Փաշինյանն հայտարարեց, որ իր թեստի պատասխանը դրական է եղել, հիշեցի մի հին խորհրդային ժամանակների անեկդոտ:

Երբ ԽՍՀՄ-ի վերջին տարիներին թույլատրեցին հրեաներին ազատ արտագաղթել ԽՍՀՄ-ից,   ռուսների մոտ կասկած առաջացավ, այդ ինչո՞ւ միանգամից միլիոնավոր հրեաներ որոշեցին արտագաղթել մեր երկրից: Քանի որ հրեաները վտանգը լավ են զգում, նշանակում է, որ ԽՍՀՄ-ի մասով մի ինչ- որ վտանգավոր գործընթաց է սպասվում: Հրեաները զգալով դա որոշեցին փախչել երկրից: Հրեաների մոտ այդ զգացումը լավ է զարգացած, նշում էին ռուսները, քանզի իրենց պատմության ընթացքում շատ մեծ ողբերգություններ են տեսել:

Այստեղից էլ առաջ է եկել այս հայտնի միտքը`  Евреи подались клином на Запад- будет беда. 

Այս ամենը հիշեցի, երբ Փաշինյանն հայտնեց իր թեստի դրական պատասխանի մասին: Քանի որ Փաշինյանն այս վերջին երկու տարիների ընթացքում չափազանց շատ է ստել, ապա նրա այս հայտարարությանն էլ վստահ եմ, որ շատ շատերը վերապահումով կվերաբերվեն: Եթե նա ճիշտ է ասում, ապա կմաղթենք նրան առողջություն, իսկ եթե նա ստում է և որոշել է «փախչել», ինչպես որ նա դա արեց 2008-ից հետո, ապա հնարավոր է, որ երկրին լուրջ վտանգ է սպառնում և նա՝ Փաշինյանը որոշել է փախչել պատասխանատվությունից: Չի բացառվում, որ, օրինակ, բռնկվի նոր հայ-ադրբեջանական պատերազմ: Մանավանդ, որ երկրու օր առաջ  նման սպառնացող հայտարարությամբ հանդես եկավ ադրբեջանական ՊՆ-ն: Նշենք, որ նման կոշտ հայտարարությամբ այդ կառույցը երբեք հանդես չէր եկել վերջին 20 տարվա ընթացքում:

Սույն հայտարարության մեջ մասնավորապես նշվում էր, որ «բանակցություններն մտել են փակուղու մեջ և բանակը դեմ է,  որ այն շարունակվի...»:

Համաձայնվեք, որ բանակը երբեք հանդես չէր գա Ալիևի վարչակազմի դեմ, և ուրեմն այս հայտարարության մեջ ներկայացված էր Բաքվի այսօրվա պաշտոնական տեսակետը:

Սա է իրականությունը:

Արտակ Հակոբյան