Արթուր Վանեցյանն ընտրվել է «Հայրենիք» կուսակցության նախագահ

Այսօր, ժամը 10-ից ընթանում է «Հայրենիք» կուսակցության համագումարը, որը նախագահ է ընտրելու Արթուր Վանեցյանին: Համագումարն ընթանում է էքստրեմալ պայմաններում՝ բացօթյա և անվտանգության կանոնների պահպանմամբ: Hraparak.am-ի տեղեկություններով, մասնակցում է մոտ 100 մարդ:

Կորոնավիրուսով պայմանավորված հանգամանքներից ելնելով, այն ընթանում է նեղ կազմով և առանց հրավիրյալների ու լրագրողների մասնակցության: Համագումարից հետո կուսակցության որոշումները կուղարկվեն արդարադատության նախարարություն և հաղորդագրություն կտարածվի լրատվամիջոցներին: Սրանով պաշտոնապես կազդարարվի Արթուր Վանեցյանի՝ քաղաքականություն մտնելու մասին:

***

Քիչ առաջ ավարտվել է «Հայրենիք» կուսակցության համագումարը, որը, ընթացել է բացօթյա և սահմանափակ թվով մարդկանց մասնակցությամբ: Համագումարն ընտրել է կուսակցության նոր վարչություն:

Ինչպես տեղեկացնում է Hraparak.am-ը, կուսակցության վարչության նոր կազմը հետևյալ տեսքն ունի.                  
Արթուր Վանեցյան
Արա Սահակյան
Արմինա Դարբինյան
Արսեն Բաբայան
Նարինե Ադոնց
Սոս Հակոբյան
Ժասմենա Ասրյան
Խաչիկ Գալստյան
Ռոբերտ Հարությունյան 

Կուսակցության նախագահ է ընտրվել Արթուր Վանեցյանը: