Հենց Նիկոլն էր, որ դեռ 1 շաբաթ առաջ առանց դիմակի էր ֆռֆռում

Ընկերներիցս ոմանք նեղվում են, որ անընդհատ հիշեցնում եմ իշխանությունների սխալները, եթե չասեմ հանցանքները։

«Այ մարդ, լավ, հասկացանք, անցիր առաջ», — մտածում ու երբեմն էլ ասում են իրենք։

Ծը...

Տեսե՛ք, շատ-շատերը միևնույն է մոռանում են, թե ով ինչ էր ասում և անում դեռ մարտ-ապրիլին և իշխանական պրոպագանդիստների դրդմամբ հիմա էլ սկսել են կրկնել. «Բա ի՞նչ էիք ուզում մեր քայքայված բժշկական համակարգից», «Բա էս անգրագետ ժողովուրդը, որ չի ուզում լսի Նիկոլի հորդորները» և այս տիպի այլ կեղծ փաստարկներ։

Սպասե՛ք, բայց ո՞վ էր քայքայում այդ համակարգը։ Ո՞վ էր փորձում փակել Վանաձորի ինֆեկցիոն հիվանդանոցը, հիշո՞ւմ եք։ Ո՞վ փակեց ՁԻԱՎ-ի դեմ պայքարող մասնագիտացված կենտրոնը, ո՞վ էր ձեռ առնում կենտրոնի բուժանձնակազմին։

Ո՞վ էր գլուխ գովում 2016 թվականի տվյալներով և ընդամենը 2 ամիս առաջ պնդում, թե Հայաստանը, իբր, համաճարակների դեմ պայքարի աշխարհի լավագույն համակարգերից մեկն ունի։

Եւ այլ ձև չկա, քան անընդհատ հիշեցնելը մարդկանց, որ հենց Նիկոլն էր, որ դեռ 1 շաբաթ առաջ առանց դիմակի էր ֆրֆռում, որ 3 ամիս նույն Նիկոլն էր կառավարության նիստերն առանց դիմակ անցկացնում, որ նույն Արսեն Թորոսյանն էր դիմակների դեֆիցիտի մասին հարցեր տվող լրագրողներին հեգնում և այլն, և այլն։

Ժողովրդի շատ անլուրջ մոտեցումը հակահամաճարակային միջոցառումներին ամիսների ընթացքում ձևավորել են հենց իշխանությունները։

Ինչի համար վաղ թե ուշ պատասխանատվության կանչվելու են։

Կարեն Վրթանեսյանի ֆեյսբուքյան էջից