Նիկոլ Փաշինյանի «օպտիմալացումից» հետո նախարարություններում 3626 հոգու փոխարեն աշխատում են 4242 հոգի

27 Մայիս, 2020 13:56

Դիտել նաև

Նիկոլ Փաշինյանը նեղվել է. հանձնարարել է «կաշվից դուրս գալ» Փաշինյանի քարոզարշավի «հյուրասիրություններն» իրականում ՔՊ-ն է կազմակերպում Փաշինյանը ունի պլան Բ. «Քրգործերի մատերիալները տրցակով իրենց են սպասում» Պուտինն ու Փաշինյանը հեռախոսազրույց են ունեցել Թրամփը ուղիղ աջակցել է Փաշինյանին այնպես, ինչպես կաջակցեր ԱՄՆ որևէ սենատորի կամ նահանգապետի․ միջազգայնագետ

«Օպտիմալացում»

Նիկոլ Փաշինյանի նախաձեռնած օպտիմալացման շրջանակներում գիտեք, որ նախարարությունների թիվը դարձավ 12, այսինքն 5-ով ավելի քիչ, քան նախկինում էր:

Իսկ երբևէ մտածե՞լ եք, թե քանի հոգի մարդ (հաստիք) կար ու ինչքան դարձավ: Իհարկե ենթադրել եք, որ պետք է որ դրանց թիվը նվազեր, բայց արի ու տես, որ ոչ:

17 նախարարություններում (առանց ՊՆ-ի, սրա թիվը գաղտնի է) հաստիքների առավելագույն ընդհանուր թիվը կազմում էր 3626, իսկ «օպտիմալացում»-ից հետո (այսինքն հիմա) 12 նախարարություններում առավելագույն հաստիքների ընդհանուր թիվը (կրկին առանց ՊՆ) կազմում է 4242:

Կարող է հարց առաջանալ: Միգուցե նախարարության ենթակա մարմիններ են միացել նախարարություններին, դրա համար է թիվը մեծացել: Հնարավոր է, բայց ոչ այս դեպքում: Քանի որ նախքան օպտիմալացում կոչեցյալը նախարարության ենթակա մարմիններում հաստիքների առավելագույն ընդհանուր թիվը կազմում էր 7445, իսկ դրանից հետո, այսինքն հիմա, այդ թիվը 7573 է:

Իսկ արդյոք պետական կառավարման արդյունավետությունը բարձրացել է: Դատեք ինքներդ, պետական համակարգի կողմից ձեզ մատուցված ծառայությունների որակից և դրա վրա ծախսված գումարի չափից (աշխատողների թվի մասը արդեն պարզ է):

հ.գ.

Այս ամեն ինչի համատեքստում, ինձ այլ բան է նաև հետաքրքիր: Ու՞ր են այն պատգամավորները, որոնք ասում էին պետական համակարգի աշխատողների թիվը պետք է նվազի, և դիցաբանական ճառեր էին ասում նրանց այլ ոլորտներում տեղավորելու վերաբերյալ:

Մի բան կասեմ ձեզ, դուք դատարկախոսներ եք, ձեր թիմի ղեկավարից ոչ պակաս:

Ավետիս Հովհաննիսյանի ֆեյսբուքյան էջից