Վարչապետ փոխելու եւ նոր վարչապետ ընտրելու մասին առաջինը խոսել եմ ես. Վանեցյանը դուրս եկավ ՀՔԾ–ից. Տեսանյութ

Ես ոչ հեքում եմ, ոչ չեմ հերքում, չեմ մեկնաբանում։ Այս մասին այսօր՝ մայիսի 25–ին, ՀՔԾ–ից դուրս գալուց լրագրողների հետ ճապազրույցում ասաց ԱԱԾ նախկին տնօրեն Արթուր Վանեցյանը՝ պատասխանելով հարցին՝ արդյոք ինքը, ինչպես հայտարարել է Միքայել Մինքսյանը, Նիկոլ Փաշինյանի անունից հանդիպել է նրան, ասել, որ դադարեցնի քաղաքական գործունեությունը, սիմվոլիկ գումար վճարի, ինչից հետո նրա դեմ քրեական գործերը կկասեցվեն։ Այս մասին գրում է NEWS.am-ը:

«Այդ հայտարարության հետ կապված ՀՔԾ–ոմ հարուցվել է քրական գործ եւ այդ գործի շրջանակներում իրականացվում է նախաքննություն եւ ելնելով այդ հանգամանքից եւ նախաքննության գաղտնիքը չբացահայտելու եւ չխախտելու նպատակով ես չեմ կարող որեւէ մեկնաբանություն տալ այս գործի հետ կապված»,– ասաց Վանեցյանը։

Լրագրողի հարցին, թե ինչ նկատի ուներ, երբ նախորդ տարի սեպտեմբերին հորդորում էր չկապել իրեն նախկինների հետ՝ ասելով, թե Միքայել Մինասյանը մի մարդ է, որը օրենքի առաջ պետք է պատասխան տա եւ արդյոք կարծում է, որ Մինասյանը քրեական հանցագործություններ է կատարել, Վանեցյանը պատասխանեց. «Իմ կարծիքը որեւէ նշանակություն չունի․ եթե իրավապահ մարմինները կկարողանան հիմնավորել Միքայել Մինասյանի, կամ, առհասարակ, ցանկացած անձի մեղավորությունը, եւ դատարանը նրան կճանաչի մեղավոր, ուրեմն այդ մարդը մեղավոր է»։

Հարցին՝ արդյոք ԱԱԾ տնօրեն եղած ժամանակ պարզ են եղել հանգամանքեր, ըստ որոնց Մինասյանը պետք է պատասխանատվության ենթարկվի, Վանեցյանը պատասխանեց. «Ես բազմիցս ասել եմ, որ ԱԱԾ տնօրեն աշխատած ժամանակահատվածի տվյալները, երբեք չեմ հրապարակելու»։

Ինչպե՞ս եղավ, որ ձեր եւ Միքայել Մինասյանի ցանկությունները համընկան՝ վարչապետի փոփոխության եւ նոր կառավարություն ունենալու հարցու՝ լրագրողի հարցին Վանեցյանը պատասխանեց. «Վարչապետի հրաժարականի մասին առաջինը խոսել եմ ես, դեռեւս հունվար ամսին եւ հիմա, երբ բոլորն են խոսում դրա մասին կարող են զուգահեռներ անցկացնել, իսկ վարչապետ փոխելու եւ նոր վարչապետ ընտրելու մասին առաջինը խոսել եմ ես»։

Լրագրողները հետաքրքրվեցին նաեւ ռուսական պետհամարանիշերով ավտոմեքենայից, ինչին ԱԱԾ նախկին տնօրենը պատասխանեց. «Մեքենան գնվել է Ռուսաստանից, ուզում եմ փոխել պետհամարանիշերը, սակայն կորոնավիրուսի վարակի հետ կապված չեմ կարողանում մեկնել»։