Առաջարկում եմ ԿԳՄՍ փոխնախարար Գրիշա Թամրազյանին հրավիրել ԱԺ և քննարկել ԲՈԿ-ի նախագահի հրաժարականի հիմք հանդիսացած խնդրահարույց պնդումները

Քանի որ ԿԳՄՍ փոխնախարարի շուրջ «ինտրիգներն» ավելի են խորանում, և հանրությունն էլ կարիք ունի մանրամասն հասկանալու, թե ինչ խմորումներ են գնում, իսկ մեզ` ԱԺ պատգամավորներիս համար առնվազն ի վերջո պարզելու, թե ինչ խնդիրներ կան նախարարությունում, որոնք մի շարք աշխատանքներ էլ հետ են գցում բնականոն հունից, ԱԺ գիտության, կրթության, մշակույթի, սպորտի, երիտասարդության և սփյուռքի հարցերով հանձնաժողովի նախագահ Մխիթար Հայրապետյանին առաջարկում եմ հրավիրել ԿԳՄՍ փոխնախարար Գրիշա Թամրազյանին Ազգային ժողով և առնվազն հանձնաժողովի պատգամավորների ներկայությամբ քննարկել թե՛ ԲՈԿ-ի նախագահի հրաժարականի հիմք հանդիսացած մի շարք խնդրահարույց պնդումները, թե՛ տարատեսակ չհստակեցված լուրերը, որոնք շրջանառվում են մամուլում։ Դեմ առ դեմ, ոչ կուլիսային քննարկումը խնդրի լուծման լավագույն տարբերակն է։