Փաշինյանն իր երեկվա «լայվով» փաստացի իր հասցեին հնչած ոչ մի մեղադրանք չհերքեց

Նիկոլ Փաշինյանի  երեկվա «լայվը» ֆորմալ իմաստով վերաբերվում էր կորոնավիրուսի տարածման հետ կապված խնդիրներին: Նա խիստ մտահոգ էր, որ այս վարակի տարածումը  Հայաստանում ոչ միայն չի թուլանում, այլև միտում ունի ուժգնանալու: Դեռ ավելին`  Փաշինյանը կանխատեսում է, որ 10 օր անց վարակվածների թիվը կկրնապատկվի, իսկ գալիք ամսվա վերջում  նույնիսկ այդ թիվը կարող է գերազանցել 30 հազարը: Թե ինչ է դա նշանակում, հասկանալի է բոլորի համար: Այդ պարագայում երկրի առողջապահական համակարգը չի դիմանալու ծանր հիվանդների քանակի ճնշմանը և երկրում կարող է սկսվել իսկական հումանիտար աղետ: Փաշինյանն շատ լավ հասկանում է, թե ինչ կլինի այդ դեպքում իր իշխանության հետ: Նա մտահոգված է  նույնիսկ նրա խոսքերում խուճապի տարրեր է նկատվում:

Սակայն միայն վարակի թեման չէր  մտահոգել նրան: Վատիկանում նախկին դեսպան Միքայել Մինասյանի կոնկրետ մեղադրանքներին նա փաստացի ոչինչ չունի հակադրելու: Մինչ այսօր  Մինասյանի ոչ մի մեղադրանք կոնկրետ և առարկայորեն չի հերքվել: Ավելին, եթե Փաշինյանն բան ունենար ասելու այդ հարցում, ապա նա իր «լայվերով» կհերքեր այդ մեղադրանքները: Սակայն  այդպես էլ մենք չտեսանք այդ հերքումներւ, ինչը նշանակում է, որ «կոպեկ առ կոպեկ» թալանածը խոսք տվող  վարչապետը փաստացի թաքցրել է իր «ձկների և մկների» «ռուբլի առ ռուբլի»  թալանչի արաքները:

Նա փարիսեաբար կոչ է անում չհավատալ իր հասցեին հնչած  կոնկրետ մեղադրանքների մասով`  նշելով, թե իբր «ամեն մեկն իր փչածածության աստիճանով է կասկածում դիմացինին»`  մոռանալով, որ ինքը՝ Փաշինյանն ավելի քան 20 տարի մեղադրում էր ՀՀ 2-րդ նախագահին 4 մլրդ ունենալու մեջ: Մինչ այսօր այդ 4 մլրդ-ից դեռ ոչ մի ցենտ չի ներկայացվել: Սաշիկի 50 տոկոսի պատմություններից դեռ ոչ մի տուժած մարդ չի հայտնաբերվել:

Կարելի՞ է ասել, որ «փչացածության» իր հայտնի թեզը  հենց իրեն է վերաբերվում:

Եվ այս ամենից հետո Փաշինյանի բոլոր տեսակի մեկնաբանությունները կապված իր անձի կամ իր մեղադրանքների այլ անձանց հանդեպ պարզապես փարիսեության «մաստեր-կլաս» կարելի է համար, սկսնակ և ապագա աճպարար դառնալու հայտ ներկայացնողների համար:

Սա է իրականություն:

Դավիթ Մկրտչյան