Փաստ 101. Նիկոլ Փաշինյանի ներկայացված բոլոր 100 փաստերում առկա թվերը համարել կատակ

Նիկոլ Փաշինյանն իր ասուլիսում կրկին ներկայացավ իր «ձեռքբերումների» 100 փաստով:

Ներկայացրեց, թե քանի սոցիալական փաթեթ է առաջարկել, քանի քաղաքացի է օգտվել դրանից: Մանրամասն մտավ նույնիսկ որոշ հարցերի դետալների մեջ, բայց մոռացավ նշել հետևյալը:

Նախ իր բոլոր սոցիալական փաթեթեների ամբողջական գումարի թիվը 150 մլն դոլարից չի անցնում: Նույնիսկ, եթե Փաշինյանը 150 անգամ ասուլիս անցկացնի այդ թվերը ներկայացնելու համար: Իսկ, օրինակ,  հարևան Վրաստանի վարչապետ Գախարիայի սոցիալական աջակցության փաթեթների թիվը գումարային առումով գերազանցում է 400 մլն դոլարի սահմանը: Սակայն Գախարիան դրա համար շաբաթը մեկ անգամ ասուլիս չի անցկացնում: Փաշինյանի պես իր քաղաքացիներին օգնության խնդիրը «տժվժիկի» պատմությունը չի դարձնում, քանզի շատ լավ գիտի, որ մի օր Բաղդասար ախպարի նման ժողովուրդը կարող է իր ափերից դուրս գալ և ասել, թե «հերիք է մեզ խաբեք Ձեր դատարկ թվերով»:

Համաշխարհային նավթի գների անկան արդյունքում Հայաստանում բենզինի գինը իջել է մոտ 50 տոկոսով, ինչ՞ կապ ունի այստեղ Փաշինյանն: Ավելի լավ է մարդկանց բացատրի, թե ինչպես ստացվեց, որ մեզ մոտ այսօր վարակվածների թիվը 700 տոկոսով ավել է, քան հարևան Վրաստանում որտեղ, ի դեպ,  երկու ամիս առաջ, չէին ասում, թե «կորոնավիրուսն ում շունն է...», իսկ մայիսի 22-ից, ի տարբերություն Հայաստանի,  պատրաստվում են վերացնել երկում արտակարգ դրությունը:

Եվ վերջում մի քիչ խիղճ է պետք ունենալ և պակաս լկտիություն այս ցուցանիշներով այդքան շատ չերևալով և չխոսելով հանրության առջև:

Սա է իրականությունը:

Դավիթ Մկրտչյան