Նիկոլն էլի «100 փաստ» է անում, բայց նույնիսկ էդ 100 փաստն էլ չունի

Դուք կզարմանաք, իհարկե, բայց Նիկոլն էլի «100 փաստ» է անում։

Ու, ասենք՝ էս տիպի փաստեր. «Կորոնավիրուսով պայմանավորված՝ դպրոցներում և բուհերում դասավանդումը դարձել է հեռավար» (դու ի՞նչ կապ ունես դրա հետ, կամ ո՞վ ասաց, որ դա լավ է, կամ վատ)։

Կամ էլ ապառնի ժամանակով «փաստեր». «Գնելու ենք շտապօգնության մեքենաներ, ապահովելու ենք պաշտպանության միջոցներով, պլանավորել ենք բլա-բլա-բլա»։

Այսինքն, ըստ էության, նույնիսկ էդ 100 փաստն էլ չունի։

Նույն ձևի կարող եմ ես էլ 100 փաստ պատմել. «Փաստ №1. երկուշաբթվանից սկսելու եմ առավոտները վազել», «Փաստ №2. երկուշաբթվանից սկսելու եմ ռեժիմը պահպանել և կեսգիշերից ուշ չքնել», «Փաստ №3. մինչև ամսվա վերջ կկազմեմ նոր առցանց դասընթացի պլանը», «Փաստ №4. վերջին մի ամիսը անձևոտ էր» և այլն, և այլն։

Հետո կես ժամ խոսեմ այն մասին, թե ինչ կարևոր է սպորտով զբաղվելը։ Ու նաև ճիշտ ռեժիմը պահպանելը։ Խոսեմ արևածագերի պայծառ գեղեցկությունից և մայրամուտերի տխուր վեհությունից։

4–5 ժամ բլահ-բլահ-բլահ-բլահ-բլահ։

Իսկ առողջապահության նախարարությունն այսօր հայտնում է, որ 239 նոր վարակակիր է հայտնաբերվել, ինչը բացարձակ ռեկորդ է մեկ օրվա համար։

Կարեն Վրթանեսյանի ֆեյսբուքյան էջից