Արդյո՞ք ծեծի կենթարկվի ՄԻՊ Արման Թաթոյանը. Տեսանյութեր

Դատելով այսօրվա Արման Թաթոյանի վրա հարձակումներից Նիկոլ Փաշինյանի թիմը կարող է ծեծի ենթարկել նրան իրեն «լավ չպահելու համար»:

Ընդանրապես Փաշինյանի թիմի խուլիգանական արարքները արդեն բոլոր սահմաններն են անցնում: Նրանց հռետորաբանության մտածողության մեջ մարտնչող տգիտությունը համեմված է քրեական ենթամշակույթին բնորոշ բարքերի հետ: Նրանք իրենց զգում են ինչպես երկրի տերը կարծես մյուսները իրենց պարտք պիտի լինեն: Դեռ  զգալով հանրության բոմժական հատվածի աջակցությունը նրանք շտապում են օր առաջ ամրապնդել իրենց իշխանությունը և վախի մթնոլորտ մտցնեն երկրում: Քանզի լավ են հասկանում, որ մոտ է այն ժամանակը, երբ զրկվելու են նաև այդ հանրության հատվածի աջակցությունից նույնպես: Այսօրվա ԿԲ-ի մոտ խժդժությունը դրա վառ ապացույցն է: Շատ մոտ ապագայում նրանց դեմ են դուրս գալու նաև նրանց վաղեմի կողմնակիցները որոնք հույս են ունեցել, որ Փաշինյանի միջոցով լուծել իրենց խնդիրները: Սակայն նավթի ու գազի բացակայության պայմաններում  բոմժերը շատ արագ հիասթափվելու են և առաջ է գալու հատուցման և Փաշինյանից հատուցման ժամանակը: Փաշինյանն դա շատ լավ է հասկանում: Նա նաև հասկանում է, որ հանրության գիտակից հատվածը վաղուց է իրեն «դուրս գրել»` որպես լուրջ գործիչ և ահա նա զրկվելու է նաև հանրության ընչազուրկ զանգվածի աջակցությունից նույնպես:

Հենց դրա պատճառով է, որ Փաշինյանի թիմը վախեցած է իրեն զգում: Հենց դրա պատճառով է, որ նրանց վախը դարձել մետաֆիզիկական բնույթի: Եթե նրանք երեկ վախենում էին միայն ՀՀ 2-րդ նախագահից, Պուտինից, ամերիկացիներից, ապա այսօր նրանք սկսել են վախենալ Էդմոն Մարուքյանից, ԲՀԿ-ից...: Վաղը նրանք վախենալու են այսօրվա ԿԲ-ի մոտ հավաքվածներից. քանզի սրանք այդպես էլ չկարողացան սովորել պետություն կառավարել: Չկարողացան էֆեկտիվ հակաճգնաժամային քաղաքականություն վարել կորոնավիրուսի դեմ: Արդյունքում Փաշինյանն ու իր թիմը մնացել են միայնակ բոլորի դեմ: Եվ այստեղ մնացել է միայն սպառնալիքներ հնչեցնել, որպեսզի բարձր քաղաքական գորգոռոցներով գոնե հանգստացնեն սեփական թիմակիցներին, որ իրենց թիմակիցները վստահ լինեն, որ իրենց իշխանությանը ոչինչ չի սպառնում:

Հենց դրա պատճառով ծեծեցին Էդմոն Մարուքյանը, սկսվել են ՄԻՊ-ի դեմ հոխորտոցները: Վաղն իրենց թիրախի օբյեկտը կարող է ուրիշը լինել, սակայն արդեն բոլորին է պարզ, որ այս իշխանությունները արդեն իրենց ամբողջովին սպառել են, քանզի այդպես էլ չկարողացան սովորել պետություն կառավարել:

Սա է իրականությունը:

Դավիթ Մկրտչյան