Մեզ առողջապահության նախարարությունից առաջարկել են գնալ հոգեբուժարան. Ազատամարտիկ. Տեսանյութ

Մոտ 200 ազատամարտիկի առողջապահության նախարարությունից առաջարկել են գնալ հոգեբուժարան: Այս մասին մայիսի 12-ին լրագրողների հետ ահնդիպմանն ասաց Արցախյան պատերազմի մասնակից Հայկ Եղիազարյանը:

«90 թվականից մասնակցել եմ մարտական գործողությունների, մի քանի անգամ վիրավորվել եմ, երկու անգամ կանտուզիա եմ ստացել, ներկայումս 3-րդ կարգի հաշմանդամ եմ: 18 տարի ես և մեր մոտ 200 ազատամարտիկ ընկերներ բուժում ենք ստացել սթրես կենտրոնում, հիմնական բուժումը ստացել ենք տարին մեկ կամ երկու անգամ, սակայն այս տարի մեր պետպատվերը առողջապահության նախարարի թեթև ձեռքով հանվեց: Արդեն երեք ամիս է մենք պայքարում ենք, որպեսզի ստանանք մեր հերթական բուժումը, սակայն մեզ պատասխանում են՝ գնացեք հոգեբուժարան: Այսինքն ստացվում է, որ բոլոր ազատամարտիկները, ովքեր հայրենիքի համար են պայքարել, բոլորը հոգեկան հիվանդնե՞ր են»:

Աղբյուր՝ yerevan.today