Վրացիների մարքեթինգն էլ այդ երկրների պոտենցիալ զբոսաշրջիկներին Վրաստանը ներկայացնելու է՝ որպես գլոբալ համաճարակի մեջ անվտանգության մի օազիս

Ենթադրում եմ, որ էքսկուրսիաներն էլ այդպես մեկուսացված կլինեն։

 

Կարող է թվալ, թե զբոսաշրջիկները դժվար թե համաձայնվեն այդպես մեկուսացված հանգստանալ, բայց կարծում եմ, որ այս տարբերակն առաջին ժամանակ լավ էլ կաշխատի այն մարդկանց համար, որոնց ձեռքին փող մնացել է և որոնք ահավոր հոգնել են տանը նստելուց։ Նրանք կհամաձայնվեն թեկուզ այդ պայմաններով, բայց գոնե իրենց երկրից դուրս գնալ։

 

Սա մեծ շուկա չէ, իհարկե, բայց ցանկացած դեպքում շուկա է։ Եւ հենց այդ փոքր շուկայի համար կատաղի մրցակցություն է լինելու, որովհետև այդ շուկայից փայ տանելը շատ երկրների համար կնշանակի իրենց տուրիստական ոլորտի գոնե մի մասը փրկել։

 

Այսինքն վրացիների թիրախը հիմա այն երկրների տուրիստներն են, որտեղ համաճարակը մարում է։ Վրացիների մարքեթինգն էլ այդ երկրների պոտենցիալ զբոսաշրջիկներին Վրաստանը ներկայացնելու է՝ որպես գլոբալ համաճարակի մեջ անվտանգության մի օազիս։

 

Ի դեպ, Ryanair-ը հայտարարել է, որ հուլիսի 1-ից իր չվերթների 40%-ը վերսկսելու է։ Իհարկե, փաստ չէ, որ իրենց ասածով կլինի, բայց ցանկացած դեպքում հուլիսի համար Միլանից Թբիլիսի և Քյոլնից Թբիլիսի չվերթների տոմսերն արդեն վաճառում են իրենց կայքում։