Սա այն կոմպրոմիսային տարբերակն է, որին գնացին Վրաստանի իշխանությունները՝ հասարակության ու եկեղեցու հետ հակասության մեջ չհայտնվելու նպատակով
ԼԱՆԶԱՐՈՏԵԻ ԿՈՆՎԵՆՑԻԱՅԻ ՄԱՍԻՆ
Այսօր, երբ գլոբալիզացիան մտել է փակուղի, իսկ պետությունների մեծ մասը, այդ թվում՝ Ազատ Աշխարհի առաջնորդը՝ Միացյան Նահանգները, գնում են ազգային պետության ձևավորման ճանապարհով, մենք վերադառնում ենք 1990-ականների մոնդիալիստական արժեհամակարգին՝ օրակարգ բերելով ու հաստատելով հայ ազգային ինքնության հետ որևէ աղերս չունեցող ռադիկալ-նեոլիբերալ բնույթի փաստաթղթեր:
Սկզբունքորեն Լանզարոտեի կոնվենցիան իր մեջ ներառում է հիմնադրույթեր, որոնք զուտ բարոյապես դժվար է հերքել: Երեխաների դեմ սեռական հանցագործությունները պետք է խստորեն դատապարտվեն թե անդրազգային, թե ազգային մակարդակներում: Խնդիրը փաստաթղթի 6-րդ հոդվածում է, որով սահմանվում են կոնվենցիան վավերացրած պետության կողմից «սեռական լուսավորության» համակարգի ձևավորման ու ներդրման պարտավորությունները:
Իհարկե, կարող են առարկել՝ ասելով, որ նույն Վրաստանն առաջիններից մեկն է վավերացրել կոնվենցիան, այս տարվա ապրիլին էլ «ակումբին» միացավ նաև Ադրբեջանը: Սակայն ավելորդ սոցիալական լարվածությունից խուսափելու համար Վրաստանն, օրինակ, շրջանցեց 6-րդ հոդվածը՝ ուսումնական ծրագրերում «սեռական լուսավորության» առկայությունն ապահովելով կենսաբանության առարկայի շրջանակներում «ռեպրոդուկտիվ առողջություն» թեմային նվիրված 1-2 դասաժամերով: Այսինքն, անվտանգ սեքսի, կոնտրացեպտիվների, սեքսուալության մասին դպրոցում լռում են:
Սա այն կոմպրոմիսային տարբերակն է, որին գնացին Վրաստանի իշխանությունները՝ հասարակության ու եկեղեցու հետ հակասության մեջ չհայտնվելու նպատակով:
Հուսով եմ, որ Հայաստանում ևս այս հարցի վերաբերյալ կկայացվի բալանսավորված որոշում՝ առանց սովորական դարձած ու ավելորդ էմոցիոնալ գերլարվածության:
Վահե Դավթյանի ֆեյսբուքյան էջից
Հետևեք մեզ Facebook-ում