Է. Շարմազանովը՝ կոալիցիա կազմել-չկազմելու մասին
- ՀՀԿ-ն որևէ կուսակցության հետ բացառությամբ ՀՅԴ-ի, որն այս պահին գտնվում է կոալիցիայում հետընտրական զարգացումների հարց չեն քննարկել, այդ թվում Ծառուկյան դաշինքի: Ծառուկյան դաշինքը, չեն կարծում, որ արմատական ընդդիմադիր է, և մեր քաղաքացիներից շատերը, միգուցե հենց Ծառուկյան դաշինքում ընդգրկված որոշ գործիչներ, որոնց թիվը քիչ չէ հենց Ծառուկյան դաշինքին ընդդիմադիր չեն էլ համարում, - ասաց ՀՀԿ մամուլի խոսնակ Էդուարդ Շարմազանովը կուսակցության Գործադիր մարմնի նիստի ավարտից հետո պատասխանելով լրագրողների հարցերին:
-Ապագայում կկազմենք կոալիցիաներ, թե՝ ոչ, ցույց կտան ապրիլի երկուսի ընտրությունների արդյունքները: Ապրիլի երկուսի ընտրություններից հետո մենք նախ և առաջ՝ ա. կֆիքսենք, որ ուժերն են իրավունք ձեռք բերել ունենալ խմբակցություններ նոր խորհրդարանում, բ. կա ուժ, որը կարող է միասնաբար, ավելի ճիշտ, միայնակ կազմել կառավարություն և,բնականաբար, կոալիցիաներն ինքնանպատակ չեն լինելու, - ասաց ՀՀԿ խոսնակը և հավելեց, որ առանց ընդհանուր ծրագրային տեսլականի ՀՀԿ-ն ոչ մի ուժի հետ կոալիցիա չի կազմի:
-Հետընտրական զարգացումների ժամանակ կտեսնենք ով ինչքան ձայն է հավաքում, և եթե դրա պահանջը լինի, բնականաբար, քննարկումներ կիրականացնենք:
Zham.am
Հետևեք մեզ Facebook-ում