Քանի դեռ իշխանությունը զբաղվում է ինքնագովազդով, մենք դասվեցինք «semi-consolidated authorian regimes» խմբին

Քանի դեռ մեր իշխանությունը զբաղվում է ինքնագովազդով ու ինքնագովասանքով, մի կողմից, իսկ մյուս կողմից` ալամ աշխարհին մեղադրելով իր նկատմամբ բռնություն գործադրելու մեջ, «Freedom House»-ը բավականին հետաքրքիր զեկույց է ներկայացրել, ըստ որի, փաստորեն, մենք դասվում ենք «semi-consolidated authorian regimes» խմբին: Եվ, ըստ զեկույցի` մեր դիրքերը բարելավել ենք միայն կոռուպցիայի դեմ պայքարում ու ընտրությունների հարցում: Իսկ մնացած ոլորտներում` լրատվամիջոցների ազատություն, քաղաքացիական հասարակություն, ազգային ժողովրդավարական կառավարում և այլ կետերով առաջընթաց չենք գրանցել:

Արդարության համար պետք է նշել, որ տվյալ պրոեկտի ռեյթինգները կազմվում են նաև տեղական փորձագետների զեկույցների ներգրավմամբ, և շատերի կողմից տվյալ պրոեկտի մեթոդաբանությունը պարբերաբար քննադատության է արժանանում: Սակայն փաստը մնում է փաստ, որ տվյալ պրոեկտը բականին հեղինակավոր և հայտնի պրոեկտ է, և շատերը կարող են չխորանալ մեթոդաբանության մեջ, սակայն, օրինակ, ներդրում անելուց, հաշվի առնել նաև նման զեկույցի արդյունքները, որոնք, մեղմ ասած, հուսադրող չեն:

Նիմա Մարգարյանի ֆեյսբուքյան էջից։