Կոչ Արսեն Թորոսյանին` թեստավորել ԱԺ-ի ծեծկռտուկի բոլոր մասնակիցներին

Երբ Նիկոլ Փաշինյանը և  Արսեն Թորոսյանը քաղաքացիներին կոչ են անում «պահպանել նոր կենցաղային հարաբերությունների կանոնները`  սոցիալական հեռավորությունն, փակ տարածքներում դիմակներ կրելը» դա ուղղակի փարիսեություն է, երբ տեսնում ես, թե ինչպես են իրար հետ հարաբերվում ԱԺ-ի պատգամավորները: Կամ ԱԺ-ում բոլորն արդեն վարակվելն են կորոնավիրուսով և ստացել են հակամարմիններ, կամ էլ գոնե պետք է հայտարարվեր, որ կենցաղային նոր հարաբերություննից ԱԺ պատգամավորները պետք է  արտոնություններ ունենան, որովհետև նրանց երակներում «կապույտ, ազնվականների» արյուն է հոսում: Թեև այստեղ «արտոնություն» բառը խիստ պայմանական է հնչում, քանզի արտոնյալ ձևով վարակվելը հաստատ շահավետ չէ Աժ պատգամավորներին: Այլ խնդիր է, որ սոցիալական հեռավորությունը չպահող իշխանության ներկայացուցիչը բարոյական իրավունք չունի նույն բանը պահանջել հասարակ քաղաքացուց:

Սա նույն բանն է, որ իշխանավորը պահանջի շարքային քաղաքացուց գողությամբ չզբաղվել և ինքը բացեբաց զբաղվի դրանով:

Այսօր Աժ-ում ծեծկռտուկի ընթացքում շարքային քաղաքացին ականատեսն եղավ, ոչ միայն քրեական ենթամշակույթի հաստատմանը երկրի օրենսդիր մարմնում, այլև, որ ԱԺ պատգամավորները այդքան էլ չեն հավատում Փաշինյանի և Թորոսյանի հորդորներին` պահպանել նոր կենցաղային հարաբերությունները կորոնավիրուսի տարածման պայմաններում:

Այս ամենից հետո, եթե Արսեն Թորոսյանը հրապարակավ կոչով հանդես չգա ԱԺ-ի ծեծկռտուկի մասնակիցներին թեստավորման պահանջով, ապա նրա մնացած բոլոր կոչերն ուղղված քացաքացիներին կդառնան դատարկ և կեղծ կոչեր:

Սա է իրականությունը:

Դավիթ Մկրտչյան