Ինչու է Արթուր Վանեցյանը հրավիրվել ՀՔԾ
Արթուր Վանեցյանը ՀՔԾ է հրավիրվել Սուրբ Աթոռում նախկին դեսպան Միքայել Մինասյանի հայտարարության հետ կապված։ Այս մասին ֆեյսբուքյան գրառում է արել Վանեցյանի ներկայացուցիչ Լուսինե Սահակյանը։
«Հայաստանի Հանրապետության Հատուկ քննչական ծառայությունում նյութեր են նախապատրաստվում Միքայել Մինասյանի կողմից վերջերս արված հայտարարության հետ կապված։
***
ԱԱԾ նախկին տնօրեն Արթուր Վանեցյանը քիչ առաջ դուրս եկավ ՀՔԾ-ից:
***
ԱԱԾ նախկին տնօրեն Արթուր Վանեցյանն այս պահին ՀՔԾ-ում է: ArmLur.am-ը տեղեկացավ, որ Արթուր Վանեցյանը ՀՔԾ է կանչվել Վատիկանում ՀՀ նախկին դեսպան Միքայել Մինասյանի հայտարարությունների մասով:
Միքայել Մինասյանի տեսանյութի վերաբերյալ նյութերը ուղարկվել էին ՀՔԾ: Իր տեսաուղերձում հայաստանյան իրավապահներից թաքնվող Միքայել Մինասյանը, որ մեղադրվում է ապօրինի հարստացման, փողերի լվացման և հայտարարագրում կեղծ տվյալներ ներկայացնելու համար, պնդում է, որ Արթուր Վանեցյանը ԱԱԾ տնօրենի պաշտոնը զբաղեցրած ժամանակ հանդիպում է ունեցել իր հետ՝ իբրև Նիկոլ Փաշինյանի սուրհանդակ և առաջարկներ արել: