Գևորգ Պապոյանն ակնհայտ ապատեղեկատվություն է տարածել. ՀՀ-ում երբեք քաղիրավական պայմանագրով աշխատողները չեն հարկվել 10%-ով, ՀՀ-ում գոյություն չունի 22% հարկային դրույքաչափ. Անի Հովհաննիսյան

«Իշխանական պատգամավոր Գևորգ Պապոյանն այսօր մի «շեդեվր» հարցազրույց է տվել, որում ոչ միայն հայտնել է անհեթեթ կարծիք կառավարության կողմից ընդունած հակաճգնաժամային սոցիալ-տնտեսական միջոցառումների մասին, այլ ակնհայտ ապատեղեկատվություն է տարածել.

Սույն պատգամավորն առհասարակ անտեղյակ է ՀՀ սոցիալ-տնտեսական ոլորտից. Խոսում է ՀՀ-ում պայմանագրային աշխատողների մասին այն դեպքում, երբ ՀՀ-ում նման աշխատողներ չկան, կան քաղաքացիաիրավական պայմանագրով աշխատող, բայց սա դեռ ամենը չէ, Պապոյանը վստահ դեմքով պնդում է, թե իրենց կառավարությունը «լուծել է» գոյություն չունեցող պայմանագրային աշխատողների հարկման հարցը՝ ասելով, թե իրենց շնորհիվ նախկին 10%-ի փոխարեն հիմա հարկվում են 22%:

Այստեղ ուշադրություն. ՀՀ-ում երբեք քաղիրավական պայմանագրով աշխատողները չեն հարկվել 10%-ով, ՀՀ-ում գոյություն չունի 22% հարկային դրույքաչափ, կա 23% եկամտային հարկ, որով ՄԻՇՏ հարկվել են նաև քաղիրավական պայմանագրով աշխատողները:

Պապոյանը, սակայն, կանգ չի առել այսքանով և շարունակել է իր «մտքի գոհարները» և հաշվապահներին մեղադրել դասակարգիչները չիմացության պատճառով սխալ գրելու մեջ: Ի գիտություն, ՊԵԿ-ն այդ մասով հայտարարություն է տարածել, հաշվապահներն էլ որևէ կապ չունեն այդ թեմայի հետ: Մնացածն էլ ինքներդ լսեք)))

Ասածս ինչ է, մի բանից, որ գլուխ չեք հանում, մի խոսեք էլի...»:

Անի Հովհաննիսյանի ֆեյսբուքյան էջից