Պաշտոնական Լոնդոնն աջակցում է Ադրբեջանի «տարածքային ամբողջականությանը»

Ադրբեջանի ԱԳ նախարար Էլմար Մամեդյարովը հեռախոսազրույց է ունեցել Մեծ Բրիտանիայի ԱԳ նախարարի ԵՄ և ԱՄՆ հարցերով տեղակալ Վենդի Մորտոնի հետ։

Ինչպես հաղորդում է Trend ադրբեջանական գործակալությունը, կողմերը քննարկել են երկկողմ հարաբերություններին անռչվող հարցեր, անդրադարձ է կատարվել հակակորոնավիրուսային պայքարին։

Մամեդյարովը բրիտանացի դիվանագետին ներկայացրել է նաև, թե ինչ վիճակում է գտնվում ներկայումս ԼՂ հակամարտության կարգավորման բանակցային գործընթացը։ Մորտոնը նշել է, որ իր երկրի մոտեցումը Ղարաբաղյան հակամարտության կարգավորման առնչությամբ ակնհայտ է, հայտարարելով, որ պաշտոնական Լոնդոնն աջակցում է Ադրբեջանի «ինքնիշխանությանը և տարածքային ամբողջականությանը»։

Կողմերը քննարկել են նաև փոխադարձ հետաքրքրություն ներկայացնող այլ հարցեր, մասնավորապես քննարկել են էներգետիկ ծրագրեր։ 

Zham.am