ՀՀԿ-ականը՝ Սամվել Բաբայանի ձերբակալության մասին

Հայաստանի Հանրապետական կուսակցության պատգամավոր Լեռնիկ Ալեքսանյանը վաղ է համարում որևէ գնահատական տալ Լեռնային Ղարաբաղի պաշտպանության բանակի նախկին հրամանատար Սամվել Բաբայանի ձերբակալությանը: Նա կարծում է¸ որ նախ պետք է ուսումնասիրել կատարվածը և այնուհետ միայն գնահատել նրա ձերբակալման փաստը: 

«Այն¸ ինչ-որ մամուլով ասվում է¸ եթե մաքսանենգ ճանապարհով զենք-զինամթերք է բերել¸ բնականաբար դա խոր արմատներ ունի¸ կարծում եմ : Պետք է ուսումնասիրվի զենքի ձեռքբերման նպատակը ¸ ըստ այդմ էլ գնահատական կտրվի: Բացասական եմ գնահատում¸ եթե մարդը պետության մեջ մաքսանենգ ճանապարհով զենք է բերում¸ դա շատ բացասական երևույթ է»¸-Zham.am-ի հետ զրույցում ասաց նա:

Այն նկատառմանը¸ թե դեռ ապացուցված չէ ՝ արդյո՞ք Բաբայանն է զենք բերել Հայաստան¸ Ալեքսանյանն ասաց.

«Չեմ կարծում¸ որ Անվտանգությունը (ԱԱԾ)հրապարակի մամուլով¸ ու դրա տակ փաստեր չլինեն: Դա հնարավոր բան չէ»¸-նշեց նա:

Արդյո՞ք հենց նախընտրական շրջանում այս ձերբակալությունը քաղաքական ենթատեքստ չունի հարցին¸ Ալեքսանյանը պատասխանեց.

«Եթե փաստեր կան¸ ի՞նչ նախընտրականի մասին է խոսքը: Ես կասեի նախընտրական բան(նպատակ¸ ենթատեքստ-խմբ.) ունի զենք բերելը¸ սենց էլ կարելի է մտածել»:

Այն կարծիքը¸ թե ձերբակալությունը նպատակ ունի ճնշումներ գործադրել ՕՐՕ դաշինքի վրա¸ Ալեքսանյանը նշեց¸ որ այդպես չի կարծում:

«Անկախ նպատակից¸ եթե մաքսանենգ ճանապարհով քաղաքացին զենք է բերում¸ դա արդեն բացասական երևույթ է¸ անկախ նպատակից՝ քաղաական¸քրեական¸ բիզնես: Դա ավտոմատ չի¸ հրացան չի¸ դա լուրջ բան է¸ որը պետության անվտանգության հետ կապված խնդիրներ է առաջ բերում: Պետք է փաստերը ճշտվի¸ ես չեմ կարծում¸ որ Անվտանգության ծառայությունը առանց փաստերի մամուլով նման բան հրապարակի¸ պետք է ուսումնասիրվի և նոր գնահատական տրվի»¸-ասաց նա:

Անի Շաբոյան