Ադրբեջանի ԱԳՆ ղեկավարը հրավիրվել է Մոսկվա` զրույցի, այդ թվում ԼՂ հարցով

Ադրբեջանի արտգործնախարար Էլմար Մամեդյարովը ռուսական կողմի նախաձեռնությամբ մեկնել է Մոսկվա:

Ինչպես հաղորդում է ադրբեջանական արտգործնախարարության մամուլի ծառայությունը, այցի ժամկետները նախօրոք համաձայնեցվել են ռուսական կողմի հետ:

Մամեդյարովը կհանդիպի ՌԴ ԱԳՆ ղեկավար Սերգեյ Լավրովի հետ: Հանդիպմանը սպասվում է հայ-ադրբեջանական և ղարաբաղյան հակամարտության հարցերի քննարկումը` Վիեննայում և Սանկտ Պետերբուրգում  նախագահների հանդիպումների հիման վրա:

Հիշեցնենք՝  Հունվարի 19-ին Մոսկվայում ԱԳ նախարար Էդվարդ Նալբանդյանը հանդիպեց Ռուսաստանի Դաշնության արտգործնախարար Սերգեյ Լավրովին:

Հանդիպման ընթացքում զրուցակիցներն անդրադարձան ղարաբաղյան հիմնախնդրի վերաբերյալ՝ Վիեննայում և Սանկտ Պետերբուրգում կայացած գագաթաժողովներին ձեռք բերված պայմանավորվածությունների կատարմանն առնչվող հարցերին:

Zham.am