Նիկոլ Փաշինյան. Էլ փակված հնարավոր չէ շարունակել, ընտանիքով երեկ դուրս էինք եկել քայլելու և փողոցում ահագին մարդ նկատեցինք. Տեսանյութ
Կառավարության այսօրվա նիստին վարչապետ Նիկոլ Փաշինյանը նշել է, որ ընտանիքով երեկ դուրս է եկել քայլելու և փողոցում ահագին մարդ նկատել։
«Շատ դժվար է լինելու, մենք մի քանի պարտադիր պայման ենք ասում վարակից խուսափելու համար, բայց ակնհայտորեն այդ պայմանները չեն պահվում և, եթե չկարողանանք մեր քաղաքացիների վարքագծային կանոնների մասին ոչ միայն իրազեկել, այլ քաջալերել և հասնել նրան, որ դրանք պահվեն, մենք իրականում խնդիրներ ենք ունենալու», - ասաց Փաշինյանը։
Նրա խոսքով՝ երբ սահմանափակումը մտցնում էին, բոլորի հույսն այն էր, որ մեկ, երկու ամսում վարակը կհաղթահարվի։
«Բայց սահմանափակումների ռեժիմից դուրս գալու մասին խոսում ենք նրա համար, որ ակնհայտ է՝ առնվազն մյուս տարվա մարտ, ապրիլ ամիսը մենք ունենալու ենք դեպքեր և չենք կարող մեկ տարի փակված ռեժիմով ապրել», - ասաց վարչապետը։
Մանրամասները՝ ArmLur.am-ի տեսանյութում:
Հետևեք մեզ Facebook-ում