Զարդուշտ Ալիզադե. Փաշինյանը «խաղաղասեր» է, սակայն վախենում է Հայաստանի հանրային կարծիքից

Մեկնաբանելով Լավրովի վերջին մեսիջները` ադրբեջանցի հայտնի քաղաքագետ Զարդուշտ Ալիզադեն  նշել է, թե ինքն լավ է ճանաչել Փաշինյանի ընկերոջը` ոմն Իվանյանին: Վերջինիս կարծիքով Փաշինյանը` որպես գործիչ երբեք չի կրել դաշնակցական կամ այլ ազգայնական գաղափարներ: Նա միշտ եղել է «խաղաղության կողմնակից» Ադրբեջանի հետ: Նույնիսկ ղարաբաղյան խնդրի ուսումնասիրման համար  իր կնոջ՝ Աննա Հակոբյանի հետ ժամանակին մեկնել էր Ալանդական կղզիներ, հասկանալու համար, թե ինչպես կարելի է կարգավորել ղարաբաղյան խնդիրը:

Հիշեցնենք, որ այսպես կոչված Ալանդական կղզիների խնդրի  լուծման եղանակը, ժամանակին գովազդվում էր Տեր-Պետրոսյանի թիմակիցների կողմից:

Կարճ հիշեցնենք, որ Ալանդական կղզիներն ունեն ինքնավար կարգավիճակ Ֆինլյանդիայի կազմում, որտեղ բնակչության 90 տոկոսը կազմում են շվեդներ: Շվեդները ժամանակին կարողացել եին ստանալ Ֆինլյանդիայից «բարձր ինքնավարության կարգավիճակ»:

Եվ ահա այս խնդրի կարգավորման մոդելը ժամանակին շատ էր դուր եկել տեր-պետրոսյանական թիմի ներկայացուցիչներին: Եվ այդ տեսանկյունից Զարդուշտ Ալիզադեի խոստովանությունը`  կապված Փաշինյանի իրական պատկերացումների մասին, շատ հետաքրքիր են:

Ավելին` Զարդուտշ Ալիզադեն մտահոգված է, որ Մոսկվան վատ է տրամադրված Փաշինյանի նկատմամբ: Քանզի, ըստ նրա,  Փաշինյանի հնարավոր հեռացումով իշխանությունից,  Հայաստանում կրկրին կարող են վերադառնալ իշխանության ղարաբաղյան խնդրի իրական կոշտ գծի կողմնակիցներ:

Այստեղ նաև հետաքրքիր է, թե ո՞ւմ հաշվին են Փաշինյանները մեկնել Ֆինլյանդիա ուսումնասիրելու համար այս խնդրի կարգավորման հարցերը:

Հատուկ նշենք, որ մենք հերթական անգամ նպատակ չունենք ցույց տալու համար, թե ինչ կապեր կարող են լինել Փաշինյանի և այն «դրսի» շրջանակների հետ,  որոնց համար անչափ կարևոր էր Փաշինյանի «խաղաղասիրական» տեսակետները այս հարցի վերաբերյալ:

Դավիթ Մկրտչյան