Հինգ զոհ, 40 վիրավոր. Մեյը ահաբեկչությունն անվանեց չարամիտ հարձակում (տեսանյութ)

Լոնդոնը ուշքի է գալիս ահաբեկչությունից հետո: Փողոցներում հայտնվել են ոստիկանության լրացուցիչ ուժեր, իսկ խորհրդարանը նոից կբացի իր դռները: Սակայն իրավիճակը շարունակում է լարված մնալ: Գիշերը կասկածելի առարկայի պատճառով տարհանվել է «Հյուսիսային գրինվիչ» մետրոյի կայարանը: Քաղաքի կենտրոնում սահմանափակվել է տրանսպորտի տեղաշարժը: Հայտնի են դարձել հարձակման որոշ մանրամասներ: Մեքենան, որով ահաբեկիչը վրաերթի է ենթարկել անցորդներին, վարձված է եղել:

«Զբոսնում էի կամրջով: Անցա, կարծեմ, չինաստանից ժամանած զբոսաշրջիկների խմբին, որոնք լուսանկարվում էին Բիգ Բենի մոտ, ինչ որ ձայն լսեցի: Այնուհետև տեսա ինչպես է մեքենան հայտնվում մայթեզրին և վրաերթի ենթարկում մարդկանց հենց աչքիս առաջ: Ամեն բան շատ արագ կատարվեց», - պատմում է դեպքերի ականատեսը: Հաղորդում է «Вести.ru»-ն:

Հարձակում գործողը վազեց դեպի խորհրդարանի տարածք և ձեռքին երկու դանակով մահացու վիրավորում հասցրեց ոստիկանին:

«Այսօր հինգ մարդ է զոհվել: Այս փուլում ես չեմ բացահայտի հարձակվողի ինքնությունը, բայց մենք գիտենք, որ նա ոգեշնչված է եղել միջազգային ահաբեկչությամբ: Մենք ենթադրում ենք, որ 40 մարդ է վիրավորվել, որոշները լուրջ տուժել են: Այդ թվում երեք ոստիկան: Որոնցից երկուսը ծանր վիճակում են», - ասաց Մեծ Լոնդոնի ոստիկանության հակաահաբեկչական վարչության պետ Մարկ Ռոուլին:

Հարձակումը տեղի  է ունեցել այն օրը, երբ խորհրդարանում ելույթ էր ունենում երկրի վարչապետ Թերեզա Մեյը, որին շտապ տարհանեցին: Խոհրդարանի մյուս անդամներին մի քանի ժամ թույլ չէին տալիս դուրս գալ խորհրդարանից:

Մանրամասները՝ կից տեսանյութում:

Zham.am