Ըստ գիտնականների` կորոնավիրուսը Հայաստանում ամենավերջիններից է ավարտվելու հարևան երկրների համեմատ

Սինգապուրի տեխնոլոգիաների և  դիզայնի համալսարանի փորձագետների կարծիքով կորոնավիրուսը տարբեր երկրներում տարբեր ժամկետներում է ավարտվելու: Մեր տարածաշրջանի մասով, փորձագետների կարծիքով ամենաարագն ավարտվելու է Վրաստանում`  մոտ մեկ ամիս անց՝ հունիսի 6-ին: Հետո կավարտվի  Ադրբեջանում` հունիսի 14-ին, Ղրղզստանում` հունիսի 18-ին, հետո Մոլդովայում` հունիսի 25-ին, որից հետո Ռուսաստանում` հուլիսի 20-ին: Այնուհետև կհետևի Ուկրայինան`  հուլիսի 28-ին:

Նույնիսկ այս վարակի դեմ պասիվ պայքար տանող Բելառուսում ավելի շուտ կավարտվի, քան Հայաստանում, այդպիսին է Սինգապուրի փորձագետների կարծիքը: Բելառուսում, ըստ այդ ուսումնասիրության, վարակը կավարտվի սույն թվականի օգոստորի 14-ին, իսկ Հայաստանում`  օգոստոսի 20-ին: Եվ միայն վերջում այս շարքում նշվում է Ղազախստանը: Ըստ փորձագետների ադ երկրում վարակը կավարտվի սեպտեմբերի 27-ին:

Ըստ սինգապուրցի փորձագետների` այս հաշվարկները կատարվել են 131 երկրների տվյալներն ուսումնասիրելով: Իսկ հաշվարկները կատարվել են օգտագործելով մաթեմատիկական SIR մոդելը:

Թե ինչքանով են լուրջ այս հաշվարկները, դժվար է ասել: Եվ ընդանրապես ճիշտ է արդյոք հավատալ նման հաշվարկներին, նույնպես հարցի մյուս կողմն է: Սակայն նման հաշվարկները հիմք ընդունելով`  ներկայիս վարակի տարածման ցուցանիշները  ևս մեկ անգամ ցույց են տալիս, թե ինչ մակարդակի վրա է դրված Հայաստանում, այսպես կոչված «հակաճգնաժամային կառավարման» մակարդակը:

Այստեղ նույնիսկ կարևոր չէ, թե ինչ մոդելով և ով ինչ հաշվարկներ է կատարում:  Կարևորն այն է, որ բոլոր ցուցանիշներով Հայաստանը այս վարակի տարածման հարցում չափազանց վատ ցուցանիշներ է արձանագրում թե իր հարևանների, և թե ԵԱՏՄ-ի երկրների համեմատ:

Սա է իրականությունը:

Արտակ Հակոբյան