«Մենք կոչ ենք անում Թուրքիային հաշտվել սեփական անցյալի հետ և դնել հայ և թուրք ժողովուրդների հաշտության հիմքը». Եվրոպայի ժողովրդական կուսակցություն

Եվրոպայի ամենաազդեցիկ պահպանողական կուսակցություններից մեկը՝ Եվրոպական ժողովրդական կուսակցությունը, ֆեյսբուքյան գրառումով իր զորակցությունն է հայտնել հայ ժողովրդին Հայոց ցեղասպանության 105-րդ տարելիցի կապակցությամբ: Կուսակցության հաղորդագրության մեջ մասնավորապես ասվում է.

«Մենք հիշատակում ենք 1915 թվականի Հայոց ցեղասպանության զոհերին և մտքերով  ու աղոթքներով հայ ազգի հետ ենք:

ՀԺԿ-ն հարգանքի տուրք է մատուցում Օսմանյան կայսրությունում զոհված 1,5 միլիոն հայերի հիշատակին:

Մենք կոչ ենք անում Թուրքիային հաշտվել սեփական անցյալի հետ և դնել հայ և թուրք ժողովուրդների հաշտության հիմքը:

Մենք ընդգծում ենք, որ ցեղասպանությունների և մարդկության դեմ հանցագործությունների համար պատիժը պետք է լինի միջազգային հանրության առաջնահերթություններից մեկը»:

2015 թվականի մարտին հայկական անդամ կուսակցությունների ջանքերով ԵԺԿ-ն ճանաչել է Հայոց ցեղասպանությունը և ընդունել համապատասխան բանաձև։