Ալիևի օգնականը սպառնում է պատերա՞զմ սկսել Հայաստանի դեմ

Լավրովի հայտնի խոսքերից հետո թե Հայաստանում, և թե Ադրբեջանում սկսվեցին բուռն քննարկումները այդ խնդրի շուրջ:

Եթե հայ հանրությունը վրդոհվված էր, երբ իմացավ, որ հայաստանյան իշխանությունները բանակցություններ են վարել այսպես կոչված «փուլային տարբերակի» շուրջ, ապա Ադրբեջանական հասարակությունը վրդոհվված էր, որ Հայաստանի ԱԳՆ-ին ադրբեջանական ԱԳՆ-ն, իրենց կարծիքով, «արժանի պատասխան չտվեց»:

Արդյունքում`  ադրբեջանական տարբեր շրջանակները սկսեցին խոսել այն մասին, որ իմաստ չունի այլևս  շարունակել բանակցությունները հայկական կողմի հետ և, որ եկել է ժամանակը այս խնդիրը լուծել ուժային եղանակով:

Եվ ահա, այս քննարկմանը միացավ նաև Ադրբեջանի նախագահի օգնական գեներալ-գնդապետ Մագերամ Ալիևը: Վերջինս այսօր հրապարակավ հայտարարեց, որ «...հայկական կողմը իր դեստրուկտիվ պահվածքի պատճառով այլ ելք չի թողնում, որ այս խնդիրը լուծվի խաղաղ ճանապարհի միջոցով...», շարունակելով այս միտքը գեներալը հայտարարեց, որ «...ադրբեջանցի ժողովուրդը սպասում է իր առաջնորդի հրահանգը, ազատագրելու համար օկուպացված տարածքները...»:

Նշենք, որ նման հռետորաբանությամբ ադրբեջանցի բարձրաստիճան գործիչը հանդես է գալիս առաջին անգամ: Ինչը կրկին անգամ հիշեցնում է այն, որ Բաքուն պատրաստվում է ռազմական գործողություններ սկսել ռազմաճակատում:

Ըստ էության`  ադրբեջանցիները եկել են այն եզրակացության, որ այս պահը պիտի օգտագործել, քանի դեռ Հայաստանը ղեկավարում է պոպուլիստ-ավանտյուրիստը, ով պառակտել է երկիրը մինչև վերջ: Ըստ ադրբեջանցի վերլուծաբանների` նման բարենպաստ իրավիճակ այլևս Ադրբեջանը ապագայում չի կարող ունենալ:

Դավիթ Մկրտչյան