Իրոք եկել է ժամանակը, երբ ես պատրաստ եմ պատասխանելու բոլոր հարցերին. Սերժ Սարգսյան. Տեսանյութ
Սերժ Սարգսյանը ապրիլի 16-ին կմաասնակցի ԱԺ քննիչ հանձնաժողովի նիստին։
Հիշեցնենք, որ Սերժ Սարգսյանը մինչև հանձնաժողովի նիստի ներկայանալուն համաձայնվելը մի քանի նախապայման էր ներկայացրել ԱԺ քննիչ հանձնաժողովին։ Քննիչ հանձնաժողովը բավարարել էր Սերժ Սարգսյանի պայմանը. նա կստանա իր հատվածի տեսաձայնագրությունը։
Առաջարկում ենք հետևել ուղիղ հեռարձկմամբ։
****
Հարգելի լրագրողներ, ուզում եմ հավատացած լինեք, որ ես ձեզնից ավելի շատ եմ շահագրգռված շփվելու լրատվամիջոցների հետ մի պարզ պատճառով, որովհետեւ ես ոչինչ չունեմ թաքցնելու: Այս մասին այսօր՝ ապրիլի 16-ին, ԱԺ-ում լրագրողների հետ զրույցում նշեց ՀՀ երրորդ նախագահ Սերժ Սարգսյանը, ով եկել է ԱԺ ապրիլյան պատերազմի հանգամանքներն ուսումնասիրող քննիչ հանձնաժողովի նիստում հարցերի պատասխանելու:
«Երկրորդ, իրոք եկել է ժամանակը, երբ ես պատրաստ եմ պատասխանելու բոլոր հարցերին: Ելնելով սրանից ես դիմել եմ հանձնաժողովին, իմ մասնակցությամբ նիստը անցկացնել արտակարգ դրության ավարտից հետո: Բայց հանձնաժողովը նպատակահարմար համարեց նիստն անցկացնել ամսի 16-ին, եւ ինչպես հայտնի է արտակարգ դրությունն էլ երկարացվեց:
Ուստի ես այդ հնարավորությունից զրկված եմ, քանի որ հարցն այնքան կարեւոր է, որ ոտքի վրա 1-2 պատասխաններով ես չեմ կարող գոհացնել ոչ ձեզ, ոչ էլ հանրությանը:
Ես խոստանում եմ, որ արտակարգ դրության ավարտից հետո ես կհրավիրեմ բոլոր լրատվամիջոցներին, որոնք գործում են ՀՀ-ում եւ միայն ապրիլյան իրադարձությունների հետ կապված կպատասխանեմ բոլոր հարցերին»,-հայտարարեց Սերժ Սարգսյանը:
Որպեսզի փոքր ինչ իրավիճակը հարթեմ, մի քանի րոպե հետո իմ գրասենյակը կտարածի հայտարարություն»,-ընդգծեց Սերժ Սարգսյանն ու հեռացավ:
Zham.am