Հայաստանի հավաքականի հարձակվողը կարող է տեղափոխվել «Միլան»

Հայաստանի հավաքականի ու «Հուրականի» հարձակվող Նորբերտո Բրիասկո Բալեկյանը հայտնվել է «Միլանի» հետաքրքրությունների շրջանակում, տեղեկացնում է Calciomercato-ն՝ հղում կատարելով Tuttosport-ին։

Իտալական ակումբը, ինչպես եվրոպական թիմերի մեծ մասը, ազատ ժամանակը օգտագործում է տրանսֆերային շուկայում նոր տաղանդների փնտրտուքով։ «Միլանը», մասնավորապես, ցանկանում է նոր հարձակվողի ձեռք բերել, քանի որ Զլատան Իբրահիմովիչը, ամենայն հավանականությամբ, կհեռանա մրցաշրջանի ավարտին։

«Դևերը» իրենց աչքի տակ են առել «Ինտերի» հարձակվող Մաուրո Իկարդիին, որը մրցաշրջանի ավարտին վերադառնալու է ՊՍԺ-ից։ «Ինտերն» էլ նրա տրանսֆերը վաճառելու մտադրություն ունի։ Սակայն միլանցիների նորանշանակ տնօրեն Իվան Գազիդիսը չի շտապում ու ավելի խոստումնալից տարբերակներ է դիտարկում։ Ըստ աղբյուրի՝ «Միլանը» նշանառության տակ է առել «Ռեալ Բետիսից» Լորենցո Մորոնին ու արգենտինական թիմի հարձակվող Նորբերտո Բրիասկո Բալեկյանին։

24-ամյա հայ ֆուտբոլիստը այս մրցաշրջանի բոլոր մրցաշարերում մասնակցել է 20 հանդիպման՝ դառնալով 3 գոլի ու մեկ գոլային փոխանցման հեղինակ։