Վանոյի Արտակը մեղադրում է Նիկոլ Փաշինյանին նախկին իշխանությունների հետ գործարքի մեջ մտնելու համա՞ր

Իրավապաշտպան Արտակ Գալստյանը, ով հայտնի է նաև «Վանոյի Արտակ» անունով, իր ֆեյսբուքյան գրարմամբ փաստացի մեղադրել է Նիկոլ Փաշինյանին`նախկին իշխանությունների հետ գաղտնի գործարքի մեջ մտնելու մեջ:

Այսպես` մեկնաբանելով, թե ինչպես է ստացվում, որ երբ նախկին իշխանության ներկայացուցիչների  հանդեպ քրեական գործ է հարուցվում վերջիններս արդեն բարեհաջող Հայաստանի սահմաններից դուրս են լինում իրավապաշտպանը հետևյալ եզրակացության է հանգում,-«...Կրկին անգամ քրեական գործերը հարուցվեցին, երբ առերևույթ հանցանք կատարած անձինք լքել էին երկիրը...»:

Շարունակելով` նա հետևյալ եզրահանգման է գալիս,-«...Մի հին խոսք կա, եթե քեզ խաբում են առաջին անգամ ապա դիմացինդ ուղղակի խարդախ է և արժանի չէ քո վստահությանը:

Եթե նույն մարդուն հաջողվում է քեզ խաբել երկրորդ անգամ, ապա մեղավորը դու ես:

 Եթե նույն մարդուն, հաջողվում է քեզ խաբել երրորդ անգամ, ապա դու անբուժելի հիմար ես:
     Եթե նույն մարդուն հաջողվում է նույն փաստական հանգամանքներով, քեզ խաբել մի քանի տասնյակ անգամ, ապա դա նշանակում է, որ քեզ չեն խաբում, դու ուղղակի հանցակից ես նրա հետ, իսկ այն որ դու իբր խաբված ես և դժգոհ քեզ խաբողների աշխատելավոճից, ընդամենը քարոզչական հնարք է հետագա պատասխանատվությունից խուսափելու համար»:

Հայաստանում հիմար ղեկավարներ չկան, դա հանրահայտ փաստ է, ընդհանրապես հիմարները իշխանության չեն հասնում:

Այստեղից էլ տրամաբանական հարց է առաջանում, ո՞ր պաշտոնյան է զգուշացնում նախկին հանցագործներին հարուցվող քրեական գործերի մասին, ապահովում նրանց փախուստը Հայաստանից, ո՞րքան գումարի դիմաց և ինչո՞ւ այդ պաշտոնյաները մինչ օրս ոչ միայն հայտնաբերված ու պատժված չեն, այլ շարունակում են պաշտոնավարել, ստանում են գեներալական կոչումներ և ծիծաղում են ժողովրդի վրա...»:

Այսպիսով` իրավապաշտպանը փաստացի ակնարկում է, որ բոլոր այս գործերը հենց այնպես չեն կարող օդում կախված մնալ: Ակնարկելով Փաշինյանին, Գալստյանը նշում է, որ «...Հայաստանում հիմար ղեկավարներ չկան, որ դա չգիտակցեն...», իսկ եղած փաստից հետո, «...քարոզչական հնարքներով, փորձում են խուսափել պատասխանատվությունից...»:

Ըստ էության` Գալստյանի այս ակնարկ-գրառումը ցույց է տալիս, որ կորոնավիրուսը, նույնիսկ Փաշինյանի «հարազատ» միջավայրում է դժգոհություն առաջացրել, այս գործելավոճի առումով:

Սա մյուս կողմից ցույց է տալիս, թե  ինչ աստիճանի ցինիզմի մեջ է գտնվում այսօր Հայաստանը, որ  «Վանոյի» Արտակը մեղադրում է Փաշինյանին մարդկանց պայմանավորված կերպով երկրից դուրս հանելու մեջ:

Հավանաբար, երկրից դուրս բերելու ձևերի մեջ գիտակ իրավապաշտպանը գիտի, թե ինչի համար է մեղադրում իր երբեմնի դաշնակցին:

Դավիթ Մկրտչյան