Ինձ որոշ մանրամասներ են հայտնի դարձել Սոյլուի հրաժարականի հետ կապված

Ինչպես հայտնի է, երեկ ուշ երեկոյան անսպասելի հրաժարականի դիմում էր ներկայացրել Թուրքիայի ՆԳ նախարար Իբրահիմ Սոյլուն, սակայն ավելի ուշ հայտնի դարձավ, որ Էրդողանը չի ընդունել Սոյլուի հրաժարականը: Այնուամենայնիվ Իբրահիմ Սոյլուն պնդել է, որ հրաժարական է տալիս:

Ինձ որոշ մանրամասներ են հայտնի դարձել Սոյլուի հրաժարականի հետ կապված:
Նախ հայտնի է, որ Էրդողանի թիմը բաժանված է երկու խմբի, այսպես ասած պալատական խումբը, որի առաջնորդը Էրդողանի մամլո խոսնակն է, և կառավրական խումբը, որի մեջ է մտնում Սոյլուն: Վերջին երկու օրում, Թուրքիայում հայտարարված պարետային ժամը, որը հայտարարվել էր ընդամենը պարետային ժամի մեկնարկից երկու ժամ առաջ, խուճապ էր ստեղծել բնակչության մեջ իր հետևանքներով: Հենց այստեղ կրկին բախվել են երկու թևերը, ինչի արդյունքում Էրդողանը շատ խիստ է արտահայտվել Սոյլուի հասցեին: Մինչ հրաժարական ներկայացնելը Սոյլուն հանդիպում է ունեցել Էրդողանի հետ, և հայտնել նրան իր հեռանալու մասին, սակայն դա չի արժանացել Էրդողանի հավանությանը: Այնուամենայնիվ, Էրդողանի հետ հանդիպումից անմիջապես հետո Սոյլուն պաշտոնապես հայտնել է հրաժարականի մասին: Մոտ մեկ ժամ հետո Էրդողանը հայտարարել է, որ չի ընդունում հրաժարականը և «դրա կարիքը չկա»: Սակայն այս անգամ ևս Սոյլուն կրկին հանդես եկավ հայտարարությամբ և ասաց. «Պարոն, կոնյուկտորան դա է պահանջում: Ես հրաժարական եմ տալիս, ձեր վիճակը թեթևացնելու համար»:

Կարեն Հովհաննիսյանի ֆեյսբուքյան էջից